MUNGSHIKHÜN 143:10 - AMÜSÜH HÜM CL Bible (BSI)

¹⁰ Nü lümkhi rhimopü I ki thsangyuang, tümüde nü I Thrünpuh ah; nü me atsünü alungki limro ching I beshang.

MUNGSHIKHÜN 143:10 Iomraidhean Croise

NEHEMIA 9:20

Nü tsüyihkhi chingnü tümü rhimobeanü nünü arü ki tha; nünü arü mün chingnü manna mutuklojih tüsho ayungpü ke jih.

MUNGSHIKHÜN 118:28

Nü I Thrünpuh, tüsho inü nü shibah; nü I Thrünpuh, inü nü shuhkihbah.

MUNGSHIKHÜN 119:12

Nü a müngühmühi ah, O Atungpuh ! Nü yakzan thsükhibo I ki thsangyuang.

MUNGSHIKHÜN 119:35

Nü yukhümbo limro ching I tsahshang, tümüde inü ju ching asühlah.

MUNGSHIKHÜN 139:24

tüsho I kheak mihbukmuyuk limro lanahnü kheahang, tüsho akheam mülakhi limro ching I beang.

MUNGSHIKHÜN 140:6

Inü Atungpuh ki tha: Nü I Thrünpuh; inü amushukhi düsheak sojang, O Atungpuh .

MUNGSHIKHÜN 22:1

I Thrünpuh, I Thrünpuh, tümüde nünü I bahyuka la? Tümüde I rungpü, I ashearakhi chingnü limshude la?

MUNGSHIKHÜN 23:3

Apinü I sühmüh aso jihchoh; apinü alokhikhi nangde thiyuro-lungki limro ching I bechoh.

MUNGSHIKHÜN 25:12

Atungpuh trekhi mihtsürü ju shepü a? Anihbuh thsungkheak mokhitkhi limro apinü thsangdanbah.

MUNGSHIKHÜN 27:11

I ki nü limro thsangyuang, O Atungpuh ; I riribo hihlale I limro amukhiung ching beang.

MUNGSHIKHÜN 31:14

Tüshe inü nü kheak kinchoh, O Atungpuh ; inü thachoh, “Nü I Thrünpuh.”

MUNGSHIKHÜN 63:1

O Thrünpuh, nü I Thrünpuh ah; nahde inü nü yimbah; I menü nü thsungkheak kethürilah; ke mülapung akung lo tüsho asüksük lo ching I shihnü nü mürheangchoh.

ISAIA 29:10

Tümüde Atungpuhnü nüsa kheak yapnekudobe me dungkihdo; nüsa wukihrübo, apinü nüsa mük yihdojihdo, tüsho nüsa angürübo, nüsa kubo muhiujihdo.

ISAIA 63:14

Jindükhün ching moshi yüzahkhi nangde, Atungpuh menü arü kilim sühakhim jih. Hanangde nü mung müretahpü thsungkheaknü nünü nü mihtsürü be.

MIKA 4:2

tüsho trükshih ahihdonü arübah tüsho athabah: “Arang, isanü Atungpuh müzüng, Jakob Thrünpuh yam ching wutuanü; junangde apinü isa ki api limrobo thsangyubah tüsho isanü api tsahpungbo ching tsahbah.” Tümüde Zion chingnü thsangdankhi, tüsho Jirusalem chingnü Atungpuh yu mikhuh ching yübah.

WÜHKHE 9:22

Hoju nimung mahne, yungsho khinu khülang, yungsho kam khülang thsüthsü, amo ju arüngyam kumung la khiungde Israelrübonü binkheampung ching la tüsho mütsahmusu; tüshe küyimki akhinabahkheanü arünü tsahmusu.

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

JOHAN 14:26

Tüshe I mung chingnü I Buhnü athiyipü lakhi arungrü, Amüsüh Menü nüsa ki alala thsangyubah, tüsho inü nüsa ki thakhi alala lümkhitshihbah.

ROMRÜ KILIM PAULNÜ ATHRÜTKHI KIHÜM HUHTANYU 15:13

Mulonglam Thrünpuhnü api kinkhi chingnü nüsa asühachih tüsho mungtsünü mishang, junangde Amüsüh wu hode nüsa mulonglam suhdahde alabah.

ROMRÜ KILIM PAULNÜ ATHRÜTKHI KIHÜM HUHTANYU 15:30

Keoniorübo, I thsungkheaknü Thrünpuh kilim nüsa tamkhüntamnü ching I lung arihpü isa Atungpuh Jisu khrista tüsho Me amuzho hode inü nüsa ki tuthsukchoh,

ROMRÜ KILIM PAULNÜ ATHRÜTKHI KIHÜM HUHTANYU 5:5

tüsho mulonglamnü isa müshangmangshih, tümütüsho isa kilim jihkhi Amüsüh Me hode Thrünpuh amuzho isa mulong ching yüzahshih.

ROMRÜ KILIM PAULNÜ ATHRÜTKHI KIHÜM HUHTANYU 8:2

Tümüde Jisu Khrista ching Me rhangdung yakzannü neak yakzan tüsho ashe chingnü I zuzu kamshih.

ROMRÜ KILIM PAULNÜ ATHRÜTKHI KIHÜM HUHTANYU 8:26

Junangde isa yiuhyiuhde alachoki Menü isa rungchoh; tümüde küde tamkhüntamnübanü isanü mümükheah; thiyubonü müthakhukbe ashede Me küdahnü isa thsungkheak Thrünpuh ki mushujihchoh.

EFISIA 4:30

Arhokhitpü nimung thsungkheak nüsa yümkih-a lakhi Thrünpuh Amüsüh Me mulong dütukthsüshih.

EFISIA 5:9

(tümüde ayinatrüm sangaso ju atsü, alungki tüsho thiyuro alala ching ngüchoh),

2 TIMOTHI 1:7

tümüde Thrünpuhnü isa kilim trechihtrean me jihkhi yung tüshe wu, amuzho tüsho zangrü danyukkhi me ah.

IBRI 13:21

api lümkhi rhimopü atsü lüpdükhi ching nüsa ayuk lashang, tüsho apinü amulongkhi Jisu Khrista hode isa kheak rhimoshang; lünnü lün api müretahshang. Amen.

1 JOHAN 2:27

tüshe nüsanü api kilimnü leangkhikhi mujude-müsühkhitkhi nüsa kheak lah, tüsho khürünü nüsa thsangyupü yihnüpü müla; apinü mujude-müsühkhitkhinü lüpdükhi dünkheak nüsa ki thsangyuchoh, tüsho ju thiyuro ah, tüsho akeangyu yung, nüsa ki thsangyukhi nangde api kheak laang.