MUNGSHIKHÜN 143:1 - AMÜSÜH HÜM CL Bible (BSI)

¹ I tamkhüntamnü sojang, O Atungpuh , inü amushukhibo anijang! nü thiyuro lakhi tüsho nü thiyuro-lungki ching I ki alojang.

MUNGSHIKHÜN 143:1 Iomraidhean Croise

2 SAMUEL 7:25

Tüsho kheakü, O Atungpuh T HRÜNPU H , nünü nü yamlarü tüsho api yamkhün dünkheak thakhi lün thsungkheak adüngakhi thsüang; nünü alokhikhi nangde thsüang.

MUNGSHIKHÜN 140:6

Inü Atungpuh ki tha: Nü I Thrünpuh; inü amushukhi düsheak sojang, O Atungpuh .

MUNGSHIKHÜN 17:1

O Atungpuh , I thiyuro mushukhi sojang; inü azhikhi aniang. Inü tamkhüntamnükhi anijang– ha mülapmüji münküp chingnü akhiukkhi yung.

MUNGSHIKHÜN 31:1

O Atungpuh , I nü kheak tsoyukdo; I küyimkishe achih düngüshih; nü thiyuro-lungki ching I bekhitang.

MUNGSHIKHÜN 71:2

Nü thiyuro-lungki ching I bekhitang, tüsho I tsokhitshang; I kilim nü nükhün muphoang tüsho I khümkhitang.

DANIEL 9:16

O Atungpuh , nü thiyuro-lungki rhimobo yande, nü bukakhiukkhi tüsho mulong zhipzhip, nü kiuto Jirusalem, nü amüsüh wung chingnü tsoang; isa neakbo tüsho isa jipürü mülimkhibo hode, Jirusalem tüsho nü mihtsürübo isa mühirü alala ki münedung khülang kamdo.

1 JOHAN 1:9

Isanü isa neakbo thakhitsho, api ju thiyuro tüsho alungki lah, tüsho apinü isa neakbo bahjihde thiyuro-mülungkikhi alala chingnü isa müsühjihbah.