MUNGSHIKHÜN 142:6 - AMÜSÜH HÜM CL Bible (BSI)

⁶ Inü azhikhi aniang, tümüde I khide abobe kamshihdo; I thsümüchirü kheaknü I bekhitang, tümüde I kheaknü arü müranglah.

MUNGSHIKHÜN 142:6 Iomraidhean Croise

MUNGSHIKHÜN 116:6

Atungpuhnü mulong thülihrü küma lashihchoh; I thsümütsü ching lachoki apinü I khümkhit.

MUNGSHIKHÜN 136:23

Isa aliuh-a lachoki isa lümkhitbuh, tümüde api amüthsüm lünnü rünkhiungde lah;

MUNGSHIKHÜN 143:3

Tümüde thiririnü I müshamdo; apinü I rhangdung alo kheak zükihdo; apinü I adüsonü asherü nangde amiting ching lashih.

MUNGSHIKHÜN 143:7

I ki niokheamde alojang, O Atungpuh ; I me dükheakchoh! nü miro I kheaknü düjik, jude yungsho I ju alokhün ching yüzahrü nangde alabah.

MUNGSHIKHÜN 17:1

O Atungpuh , I thiyuro mushukhi sojang; inü azhikhi aniang. Inü tamkhüntamnükhi anijang– ha mülapmüji münküp chingnü akhiukkhi yung.

MUNGSHIKHÜN 18:17

Apinü sühmüh larü I thraneankhi I riri kheaknü I bekhit, tümüde arübo I thsungkheak khide sühmüh lakheah.

MUNGSHIKHÜN 27:13

Rhangdung lakhi lomi ching inü Atungpuh tsükhi ngübah de inü kinlah!

MUNGSHIKHÜN 3:1

O Atungpuh , I riri küdükhüh she la! Ahihkhühnü I azhihde wusuchoh;

MUNGSHIKHÜN 38:19

I riribo shihphü tsüde sühmüh lah; amütsan mülade I thraneanrü hihlah.

MUNGSHIKHÜN 46:2

Jumonü alomi lahkhitkhit she, tüsho awungbo ju keto ching hande yüyü she isanü mütre;

MUNGSHIKHÜN 59:3

Kheahang, arünü I rhangdung jimde aleanglah; bukmüke mihtsürü I azhihde mukhunga lah. Inü athsümünimkhi yungsho I neak dünkheaknü yung, O Atungpuh .

MUNGSHIKHÜN 79:8

O, isa azhihde adüso neakbo dülümkhitjih; nü amüthsüm isa shorupü chithsade arüshang, tümüde isa khide abobe kamshihdo.

MUNGSHIKHÜN 91:2

Inü Atungpuh dünkheak thabah, “Api I tsoyukpung tüsho I chipi; I Thrünpuh, api kheak inü akinbah.”

ROMRÜ KILIM PAULNÜ ATHRÜTKHI KIHÜM HUHTANYU 8:33

Thrünpuhnü amokhitrü azhihde shepünü amüdampü hande arüba? Alim mütsanbuh ju Thrünpuh ah;

ROMRÜ KILIM PAULNÜ ATHRÜTKHI KIHÜM HUHTANYU 8:37

Yung, harü alala ching isa muzhobuh hode isa ju akuk ngürü kheaknü alü ah.

1 SAMUEL 24:14

Shepü azhihde Israel kiulongthsüpuh akhiukkhea? Nü shepü müshamcho? Ashekhi yihnu khülang a shi? Thüle khülang a shi?