MUNGSHIKHÜN 142:4 - AMÜSÜH HÜM CL Bible (BSI)

⁴ I khah tsülim mürüngang tüsho kheahang, tümüde I mükheahrü she müla; I tsoyukpü müla; shenü I me müküm.

MUNGSHIKHÜN 142:4 Iomraidhean Croise

JOB HU H T ANYU 11:20

Tüshe mihbukmuyuk mürüngmürakhibo amukuk ngübah; tsokhitpung limro alala chingnü arü akeangkeang kambah. Tüsho arü mulonglam ju arü rhangdung akheam thsübah. Job.

MUNGSHIKHÜN 1:6

tümüde Atungpuhnü thiyuro-lungkirü limro mükheahlah, tüshe mihbukmuyuk limro adükheakbah.

MUNGSHIKHÜN 140:6

Inü Atungpuh ki tha: Nü I Thrünpuh; inü amushukhi düsheak sojang, O Atungpuh .

MUNGSHIKHÜN 141:9

Arünü I thsungkheak zokhi müthrim chingnü, tüsho amülim rhimorü zheang chingnü I kümang.

MUNGSHIKHÜN 143:4

Jumonü I me zhidoa lah, I mulong ching lümthsünü lah.

MUNGSHIKHÜN 31:11

I riribo alala tüsho I yamhingrübonü I bahyukde rhimochoh; I mükheahachihrünü I trechoh; küyimki arünü kiudunglimro ching I ngübanü alihde tsochoh.

MUNGSHIKHÜN 69:20

Mükhemükimnü I mulong thsümünimdo, junangde I mulong dükheakkhi ching lah. Amuzho tüsho mulong shukheamrü inü kheah tüshe inü she müngü.

MUNGSHIKHÜN 88:18

Amuzhorü tüsho müyamrü nünü I kheaknü limshude tsoshih, tüsho amiting ju I müyamrükhung ah.

MUNGSHIKHÜN 88:8

Nünü I müyamrübo I kheaknü limshude tsoshih; nünü I arü ki athraneanbe kamshih; I rihdoa lah, tüsho I makhiukkhuk;

JEREMIA 18:22

Nünü mihjimrü arü azhihde handarüchoki, arü yambo chingnü azhikhi soshang! Tümüde arünü I tholopü alokhün kiua lah, tüsho I jing phuhpü qimürip zolah.

JEREMIA 25:35

Mihnu neakrübo mutsokhukde alabah, tüsho mihnu putungrübo tsopung mülade alabah.

JEREMIA 30:17

Tümüde inü nü shihphü tsüloshihbah, tüsho nü mübo inü athsüngubah, Atungpuhnü thachoh, tümütüsho arünü nüsa ki ayankhitkhi de jido: “Ha Zion; shenü anihbe thsungkheak mükümchoh!”

JONA 2:8

Sherünü akeangkeang sangthsübo kingaünchonü nü ki arü thiyuro bahyukdo.

MATHI 26:56

Tüshe ha alala wukihrübonü thrüta zokhi dünjipü lakheah.” Judüki jingyanrübo alalanü api bahbah tso.

2 TIMOTHI 4:16

I akhuhbe alim thade alachoki shenü she I murung; alalanü I bahbah tsodo. Ju arü ki azhihkhi dülashih.

1 SAMUEL 27:1

Davidnü amulong chingnü tha, “ Kheakü nimung khülang ching I Saul khah hode ku kheambah; I thsungkheaknü Filistiarü lomi ching tsokhide ayüpü kheaknü tümü atsüdakbe müla; jushu Israel lomi ching Saulnü I yimkhi chingnü atuklobah, tüsho I api khah chingnü atsokhibah.”