MUNGSHIKHÜN 141:5 - AMÜSÜH HÜM CL Bible (BSI)

⁵ Thiyuro-lungkirünü I shikshang; ha amuzhokhi labah. Tüsho apinü I thürühshang; ha atsüdak müdangke labah; I kunü ju düthsungloshih. Tümüde I tamkhüntamnü ju mihbukmuyuk azhihde judü lang lah.

MUNGSHIKHÜN 141:5 Iomraidhean Croise

2 KIUTHSÜYUKHEAN 25:16

Tüshe api thade alachoki kiulongthsüpuhnü anihbuh ki tha, “Isanü nü kiulongthsü athsunganahrü thsüshihkhea de? Tukloang! Tümü thsüpü nü asheshihpü?” Jumonü wukihbuhnü tuklo, tüshe tha, “Thrünpuhnü nü thsümünimpü lümkihdo de inü mükheahlah, tümütüsho nünü ha rhimodo tüsho inü athsunganahkhi mani.”

MUNGSHIKHÜN 125:4

O Atungpuh , sherübo tsüla tüsho mulongbo alungki lanü arü ki atsü rhimoang.

MUNGSHIKHÜN 23:5

Nünü I riri miki dükhüm khülang thsakhamchoh, nünü I ku kheak müdangke muju; I pung mikhiukde lah.

MUNGSHIKHÜN 51:18

O Thrünpuh, Zion muzhoang tüsho rungang; Jirusalem chipibo thsülojang.

MÜCHITMUDU 12:1

Shepünü thsangdankhi muzhochonü mükheahmudu muzhochoh, tüshe shepünü athsülangkhi thraneanchonü makharü ah.

MÜCHITMUDU 15:22

Lümthiyan mülasho lümkhi akuk müngüchoh, tüshe lümthiyanrü hihkhi ching jurü akuk ngüchoh.

MÜCHITMUDU 15:5

Makharünü nihbuh abuhnü thsangdankhi mükhemükimchoh, tüshe shepünü athsülangkhi luchonü lümlung larü ah.

MÜCHITMUDU 19:25

Luhmünerü shikang, tüsho lümthülihrünü lümlung anikhitbah; mütsankhit mihtsürü thürühang, tüsho apinü mükheahmudu alü thsübah.

MÜCHITMUDU 25:12

Lümlung lakhi mihtsürünü athürühkhi ju anide alakhi nükhün ching suna nüpü yungsho suna atsüdak zülu nangde lah.

MÜCHITMUDU 6:23

Tümüde thiyukhüm ju tsün, tüsho yakzan ju ayin ah; tüsho adanyukkhi thsülangkhi ju rhangdung limro ah,

T H S AN GYU T H S AN GR ARÜ 7:5

Makharü khün anipü kheaknü a lümlung larünü athürühkhi anipü atsübe.

LEVI 19:17

Nünü nü mulong chingnü keoniorü müthraneanbeah, tüsho nü yamhingrü tsükjide thürühang, jude yungsho api neak nünü ahanbah.

MATHI 5:44

Tüshe inü nüsa ki thachoh: Nü riribo muzhoang tüsho nü thsümüchirü thsungkheak tamkhüntamnüjang,

GALATIA 6:1

Keoniorübo, mihtsürü khürü neak ramkhitsho, nüsa me-larünü me azhihayih chingnü api beloang. Nüsa she rükaki ching müyüzahpü thsüde kurhangang.

AMIKHEAKAKHIUKKHI 3:19

Sherü ki inü muzholanü, inü thürühchoh tüsho thsümüchichoh; jumonü künsahde laang tüsho mulong müthriang.