MUNGSHIKHÜN 14:5 - AMÜSÜH HÜM CL Bible (BSI)

⁵ Arübo tode atrekhi ching labah, tümüde thiyuro-lungki lün bolung Thrünpuh lah.

MUNGSHIKHÜN 14:5 Iomraidhean Croise

ESTER 8:7

Kiulongthsüpuh Zerzesnü Ester le Jihudabuh Mordekai ane ki tha, “ Kheahang, Jihudarü sheshihpü rük amütsü thsükhi hode Haman süksahdung kheak zhindo, tüsho inü api yam Ester kilim jihdo.

MUNGSHIKHÜN 112:2

Api tsühsoniusobo alomi kheak wuto labah; alungkirü lün ju müngühmühibah.

MUNGSHIKHÜN 22:30

Arübe lünbonü api tankihbah; mihtsürübonü arübe lün ki Atungpuh dünkheak thabah.

MUNGSHIKHÜN 24:6

Hadürü ha api yimrü, Jakob Thrünpuh miki arürü lün ah.

MUNGSHIKHÜN 46:11

Wuto Atungpuh isa lung lah; Jakob Thrünpuh ju isa tsoyukpung.

MUNGSHIKHÜN 46:5

Ju kiuto ching Thrünpuh lah, tüsho ju küyimkishe müthsümünim; yapsu mükikde ju rungpü api arübah.

MUNGSHIKHÜN 46:7

Wuto Atungpuh isa lung lah; Jakob Thrünpuh ju isa tsoyukpung.

MUNGSHIKHÜN 53:5

Arübo atrepü mülade alapung ching trede lah, tümüde Thrünpuhnü nü azhihde ayanrü robo hiumüzütshihdo; nünü arü achih ngüshihdo, tümütüsho Thrünpuhnü arü bahyuk.

MUNGSHIKHÜN 73:15

Inü, “Inü ha asukbah,” de thakhülaa, inü nü mihtsürübo lün ki thiyuro mülaa labah.

ABEKHIT 15:16

Mihtrebe tüsho atrebe arü kheak keamkih; nü khah tokhi hode arübo lung nangde mülüplüp, O Atungpuh , nünü athulokhi nü mihtsürü muhoyi khiungde.

MÜCHITMUDU 28:1

Mihbukmuyuk a shenü mümüshamde tsochoh, tüshe thiyuro-lungkirü a kekhüzü nangde mulong tolah.

ISAIA 12:6

Achangnü zhiang tüsho asühpü khün thsang, O Zion ching larübo, tümüde nüsa bolung ato ju Israel yo Amüsühbuh Khülang lah.

ISAIA 41:10

dütre, tümüde I nü lung lah, dütre, tümüde I nü Thrünpuh ah; inü nü reangzahshihbah, inü nü rungbah, inü nü I thiyuro khah tsülimnü tholobah.

ISAIA 8:10

Rukhühnü lümkhi thsang, tüshe ju akeangkeang kambah; thiyu thaang, tüshe ju müzhip, tümüde Thrünpuh isa lung lah.

MATHI 1:23

Kheahang, atsangkhitkhi khülang mübünkeangde akambah tüsho tsührü khülang zübebah, tüsho arünü api mung Immanuel de ajibah, ju amütsan, “Thrünpuh isa lung lah.”

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.

1 SAMUEL 14:15

Binkheampung, thulu, tüsho mihtsürü alala bolung trede alakheah; bonungrü tüsho thirithsürübonü she ajan; alo ajan; tüsho ju khide trede kam.