MUNGSHIKHÜN 14:1 - AMÜSÜH HÜM CL Bible (BSI)

¹ Makharünü api mulong ching thachoh, “Thrünpuh müla.” Arü athsümünim lah, arünü athraneanbe rhimochoh, atsü rhimorü she müla.

MUNGSHIKHÜN 14:1 Iomraidhean Croise

THRÜNTAN 6:5

Judüki alomi ching mihtsürü mihbukmuyuk tode alakhi Atungpuhnü ngü, tüsho api mulong ching lümkhi alala mutuklode amütsü lakheah.

JOB HU H T ANYU 15:16

Amülim-rhimo ke nangde ayungrü athranean tüsho athsümünimrü küdükhüh keamkhila!

JOB HU H T ANYU 22:13

Jumonü nünü thachoh, “Thrünpuhnü tümü mükheahla? Apinü amiting asük hode mahkhapkhukba de?

MUNGSHIKHÜN 10:4

Mihbukmuyuknü api kükheangkhi chingnü Thrünpuh müyim; api lüm ching Thrünpuh müla.

MUNGSHIKHÜN 107:17

Arünü alakmihkhi hode makhaabah, tüsho arü amülimbo hode thsünüshih.

MUNGSHIKHÜN 53:1

Makharünü api mulong ching tha, “Thrünpuh müla.” Arübo thsümünima lah, tüsho athraneanbe amülimbo rhimodo; atsü rhimorü sheshe müla.

MUNGSHIKHÜN 73:3

Tümütüsho inü mihbukmuyukrü tsüde alakhi ngübah, akükheangrü mükthsüde alakheah.

MUNGSHIKHÜN 92:6

Lümzülümdo mülakhi mihtsürünü mümükheah, yungsho makharünü ha manikhit.

MÜCHITMUDU 1:22

Külokhüh nüsa lümlung thülihrünü nüsa athülih limrobo muzhoba? külokhüh nüsa kithsükilangrünü kithsükilangkhi ching asühba tüsho makharünü mükheahmudu thraneanba?

MÜCHITMUDU 1:7

Atungpuh trekhi ju mükheahmudu akhuhbe ah, tüshe makharünü lümlung tüsho thsangdankhi bahyukchoh.

MÜCHITMUDU 13:19

Lunede alakhi akuk ngükhi ju me kilim niungde lah, tüshe makharübonü amütsü chingnü chamachihpü ju athraneanbe lah.

MÜCHITMUDU 27:22

Nünü makharü ju hi nangde ayihnü thsam ching chuchu she, anihbuh makhakhi api kheaknü müchamachih.

T H S AN GYU T H S AN GR ARÜ 7:20

Tsükjide shahde neak müyihbeakde atsü rhimopü alomi kheak khide thiyuro larü müla.

ISAIA 1:4

Ah, neak lakhi trükshih, amülimkhinü mihtsürübo ajapbah lah, amütsü rhimokhi münü, athsümünim rhimorü tsührü, shepünü Atungpuh bahyuk, shepünü Israel Amüsühbuh Khülang mükhemükim, sherübo shahde chamkhibah la!

JEREMIA 5:12

Arünü Atungpuh dünkheak mülimde asukdo, tüsho tha, “Apinü tümü müthsü. Tümü amütsü isa kheak marü, tüsho isanü thirithsü yungsho khümzung müngü.”

JEREMIA 6:28

Arü alala nihnihrara azhihrü, chikhide atsahrü, arübo müwayinchi tüsho yinchi, arü alalanü thsünimthsüshide rhimochoh.

MATHI 12:34

Nüsa phurutobo, nüsa amütsübonü küde thsah atsü thakhukpü? Tümütüsho tümünü mulong mide lanü ju münnü asukchoh.

MATHI 15:19

Tümüde mulong chingnü amütsü lümkhibo, mihkhukpü, müzammüram, yüliyüra, ahühkhi, arükchih thiyumütsan, mükhemükimbo akhiukchoh.

LUKNÜ ATHRÜTKHI THIYUSHEAK-ATSÜ HUHTANYU 12:20

Tüshe Thrünpuhnü api ki tha, ‘Nü makharü! Khihre tsütsü nü me tsoabahbah; dale tüsho nü thsungkheak tsanglunga zokhi shenü aluba?’

EFISIA 2:12

junangde ju kim ching nüsa Khrista mülade, Israel boto-lakhit chingnü chamkhide tüsho alokhikhi tangzüng chingnü limshude, alomiküp ching mulongram tüsho Thrünpuh mülade alakheah.

TITA 1:16

Arünü Thrünpuh mükheahlah de thaa luchoh, tüshe arü rhimobonü api reanglochoh; arübo athraneanbe mihyumanikhi, rhimo atsü tümü thsungkheak she müthülün.

TITA 3:3

Tümüde isa she khülangki makhade mihyumanide, tsophülapde, shihkünkhi tüsho asühara aphuaphu azhorü thsüde, isa nimungbo alungchihpü, mükthsüpü, mihtsürü khülangnü khülang thraneanachihde hoshih;

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”

1 SAMUEL 25:25

I tungpuh, ha mihbukmuyuk Nabal yakli dünkheak sükde dülüm; tümüde api mung yande, api ju ah; api mung Nabal ah, tüsho makhakhi api kheak lah; tüshe I, nü yamlaberünü I tungpuhnü arüshihkhi athrününgtsüngbo müngü.