MUNGSHIKHÜN 139:3 - AMÜSÜH HÜM CL Bible (BSI)

³ Nünü I tsahpung tüsho I yapkhi ngülah, tüsho I limrobo alala mütsanlah.

MUNGSHIKHÜN 139:3 Iomraidhean Croise

2 SAMUEL 11:27

Küyimki yapsu hokhea, Davidnü yüshihbah alibe ayam ching bebah arü, tüsho anihbe api niube kam, tüsho api kilim tsührü athrürü khülang zübejih. Tüshe Davidnü arhimokhinü Atungpuh masühde kam.

2 SAMUEL 8:14

Apinü Edom alala ching bonungrü yam thsü tüsho Edomrü alala David yamlarü kamabah. Tüsho David yüpungbo ching Atungpuhnü akuk ngüshih.

JOB HU H T ANYU 23:10

Tüshe inü adükükhi limro apinü mükheahlah; küyimki apinü I rükakibanü I suna ruk akhiukbah.

JOB HU H T ANYU 31:4

Apinü I limrobo müngü de, tüsho I jingdükü aban khechoh yung de?

MUNGSHIKHÜN 119:168

Inü nü yukhümbo tüsho nü yakzan thsükhibo zochoh, tümüde I limrobo alala nü miki lah.

MUNGSHIKHÜN 139:18

Inü jurü khekhülaa, loyi kheaknü ahihbe labah; küyimki I asürübanü, judü lang I nü lung lah.

T H S AN GYU T H S AN GR ARÜ 12:14

Tümütüsho rhimokhi alala, rama lakhi lüpdükhi, atsü yungsho amütsü bede Thrünpuhnü mahkhap ching hande arübah.

ISAIA 29:15

Are! Nüsa sherünü Atungpuh kheaknü limshude lümkhi khide sükde ramcho, shepü rhimobo amiting ching la, tüsho shepünü thacho, “Shenü isa ngüla? Shenü isa mükheahla?”

JEREMIA 23:24

Inü arü müngükhukpü thsüde sherünü ajik dangpungbo ching jikpü kukla? Atungpuhnü thachoh. Inü yinmi tüsho alomi mümi de? Atungpuhnü thachoh.

MATHI 3:12

Api khah ching phürü shuhlah, tüsho apinü rhimopung tsüde amüsühbah tüsho api jakam ching hi hanmukhungbah; tüshe apinü atsütbo a amümütbe mo ching takbah.”

JOHAN 13:2

Tüsho arelim yimtsühchoki api yinatsühshihpü Simon tsührü Juda Iskariot mulong ching amünean menü rük yukjih.

JOHAN 13:21

Küyimki Jisunü harü thakhea, api me ching küpkhuk, tüsho khipkhitde tha, “Atsütsü inü nüsa ki thachoh, nüsa khülangnü I yinatsühbah.”