MUNGSHIKHÜN 139:24 - AMÜSÜH HÜM CL Bible (BSI)

²⁴ tüsho I kheak mihbukmuyuk limro lanahnü kheahang, tüsho akheam mülakhi limro ching I beang.

MUNGSHIKHÜN 139:24 Iomraidhean Croise

MUNGSHIKHÜN 119:1

Shepü limro areak mükihde la, shepü Atungpuh yakzan ching tsahchonü müngühmühi!

MUNGSHIKHÜN 119:32

Inü mulongde nü yukhümbo anibah, tümütüsho nünü anikhitkhi alü I kilim jihbah.

MUNGSHIKHÜN 143:10

Nü lümkhi rhimopü I ki thsangyuang, tümüde nü I Thrünpuh ah; nü me atsünü alungki limro ching I beshang.

MUNGSHIKHÜN 143:8

Yapsu nü muzho inü soshang, tümüde inü nü kheak kinchoh; I tsahpü limro I ki mükheahshang, tümüde inü nü ki I me shuhkihchoh.

MUNGSHIKHÜN 16:11

Nünü I ki rhangdung limro huhbah; nü lakhi ching khiukde asühachih lah; nü khah tsülimpeang lünnü reangkeampü lah.

MUNGSHIKHÜN 17:3

Nünü I mulong rükakheah; nünü azhing ching I rhuakheah; nünü I rükakheah tüsho tümü müngü; I münnü neak müyihbeak de inü thado.

MUNGSHIKHÜN 27:11

I ki nü limro thsangyuang, O Atungpuh ; I riribo hihlale I limro amukhiung ching beang.

MUNGSHIKHÜN 5:8

O Atungpuh , I riribo thsungkheaknü nü thiyuro-lungki ching I beang; nü limro I miki langakindo kamshang.

MÜCHITMUDU 15:9

Mihbukmuyuk limro ju Atungpuh kilim athraneanbe lah, tüshe shepünü thiyuro-lungki yanchonü apinü anihbuh muzhochoh.

MÜCHITMUDU 28:26

Shepünü nihbuh mulong kheak kinchonü makharü, tüshe shepü lümlung lade tsahchonü akhümkhitbah.

MATHI 7:14

Tümütüsho rhangdung lim bekhi ju chipimurung amütsüm tüsho limro chaklah, tüsho ju ngürü nüklah.

JOHAN 14:6

Jisunü api ki tha, “I limro, thiyuro tüsho rhangdung. I hode yungsho shenü she I Buh kilim marüchoh.

KOLOSI 2:6

Jumonü nüsanü Atungpuh Jisu Khrista leangkhiang, junangde api kheak laang,