MUNGSHIKHÜN 138:8 - AMÜSÜH HÜM CL Bible (BSI)

⁸ Atungpuhnü I thsungkheak apinü alokhikhi dünjishihbah; O Atungpuh , nü amüthsüm lünnü rünkhiungde lah; nü khah rhimobo dübahyuk.

MUNGSHIKHÜN 138:8 Iomraidhean Croise

JOB HU H T ANYU 10:3

Ajunopü ju nü ki atsü a de, nü khah rhimo mükhemükimpü tüsho mihbukmuyuk lümkhi kheak asühba de?

JOB HU H T ANYU 10:8

Nü khahnü I nungnü tüsho I thsü; tüsho kheakü nünü rholobah I thsümünimchoh.

JOB HU H T ANYU 14:15

Nünü ajibah tüsho inü nü ki alobah; nü khahnü arhimokhi dünkheak nünü mürheangbah.

MUNGSHIKHÜN 100:3

Atungpuh , api ju Thrünpuh ah de mükheahang; isa thrünkhi ju api ah, tüsho isa küdahnü yung; isa api mihtsürü tüsho api rimlopung namfimihnubo.

MUNGSHIKHÜN 100:5

Tümüde Atungpuh tsülah; api amüthsüm akheam müla, tüsho api thiyuro lünbo alala ching rünkhiungde lah.

MUNGSHIKHÜN 103:17

Tüshe Atungpuh amüthsüm ju api trerü kilim akheam mülanü akheam müla khiungde, tüsho api thiyuro-lungki ju tsührü tsührübo khiungde lah,

MUNGSHIKHÜN 136:1

O, Atungpuh kilim makshe jihang, tümüde api tsülah! Tümüde api amüthsüm lünnü rünkhiungde lah.

MUNGSHIKHÜN 57:2

I thsungkheaknü lüpdükhi rhimobuh, Khide Achang Thrünpuh ki inü azhibah.

MUNGSHIKHÜN 57:3

Apinü yinmi chingnü alojihbah tüsho I khümkhitbah; apinü I jungrü achih ngüshihbah. Thrünpuhnü api amüthsüm tüsho thiyuro arüshihbah.

ISAIA 26:12

O Atungpuh , nünü isa thsungkheak mungtsü lashihbah, atsütsü, isanü arhimokhi alala, nünü isa thsungkheak rhimokheah.

ISAIA 42:16

Inü müktukrü arünü mümükheahkhi limronü abebah, arünü mümükheahkhi tsahpung ching limbebah. Inü arü müngüh amitingnü ayin kamshihbah, mutromutruk dangpungbo alo arih kamshihbah. Harü ha inü arhimobebo lah tüsho inü harü mübahyuk.

ISAIA 43:21

mihtsürü sherü I thsungkheak kamshihkhea, junangde arünü I mung shikhi khipkhitbah.

JOHAN 15:2

I kheak aso masokhi khah aban apinü rhea bahchoh; tüsho aso asokhi khah aban hihde asoshihpü apinü mülakkhitchoh.

ROMRÜ KILIM PAULNÜ ATHRÜTKHI KIHÜM HUHTANYU 5:10

Tümütüsho thiriri lachoki api tsührü shekhinü Thrünpuh kheak isa tsüarihshih-a lasho, alü thsüde kheakü tsüarih-a lale, api rhangdungnü isa khümkhitbah.

FILIPI 1:6

Tüsho shepünü nüsa lung rhimo atsü tankihkheanü Jisu Khrista nimung khiungde akhik thsüde arhimobah de inü mütsanlah.

1 TESALONIKA 5:24

Shepünü nüsa jichonü thiyuro lah, tüsho apinü ju rhimobah.

1 PETER 4:19

Jumonü sherü Thrünpuh lümkhi yande thsünüchonü thiyuro Athrünrü kilim arü shuhmülanga jihang tüsho mutuklode atsü rhimobeah.

JUDNÜ ATHRÜTKHI KIHÜM HUHTANYU 1:1

Jisu Khrista tankihrü tüsho Jakob niurü Jud kilimnü, Jia larü, Thrünpuh tüsho Abuh kheak amuzho tüsho Jisu Khrista mükühbah alarü kilim: