MUNGSHIKHÜN 138:7 - AMÜSÜH HÜM CL Bible (BSI)

⁷ I küpkhuk bolung tsahtsah she, nünü I thsüphulojihbah; nünü I riribo bukakhiukkhi azhihde nü khah chungkihbah, tüsho nü khah tsülimnü I khümkhitbah.

MUNGSHIKHÜN 138:7 Iomraidhean Croise

JOB HU H T ANYU 13:15

Apinü I laksahsah she inü api kheak kinbah; junangde api miki I dünkheak inü athabah.

MUNGSHIKHÜN 17:7

Nü amüyinsahbe amuzho huhang tüsho I khümkhitang; nü kheak tsoyukkhinü I riri chingnü I khümkhita lah.

MUNGSHIKHÜN 18:17

Apinü sühmüh larü I thraneankhi I riri kheaknü I bekhit, tümüde arübo I thsungkheak khide sühmüh lakheah.

MUNGSHIKHÜN 18:18

I thsümütsü nimung arünü I zündo, tüshe Atungpuh ju I tsunglorü lakheah.

MUNGSHIKHÜN 18:35

Nünü I akhümkhit tsung jih, tüsho nü khah tsülimnü I tholo, tüsho nü arung hode I ato kamshih.

MUNGSHIKHÜN 20:6

Kheakü Atungpuhnü api yo mujude-mokhitkhi khümkhitchoh de inü mükheahlah. Api akhümkhit sühmüh tsülim khah hode api amüsüh yinmi chingnü anihbuh ki alobah.

MUNGSHIKHÜN 44:3

Arü nukshangnü lomi kukkhi yung, yungsho arü binnü akuk angükhi yung; ha nü khah tsülim, nü bin tüsho nü miro ayin, tümüde nünü arü muzho.

MUNGSHIKHÜN 56:9

Inü nü ki zhichoki, I riribo rholode atsobah; ha inü mükheahlah, tümütüsho Thrünpuh ju I thsungkheak–

MUNGSHIKHÜN 60:5

Junangde nünü muzhorü bekhitbah, nü khah tsülimnü khümkhitbah, tüsho I ki anijihbah.

MUNGSHIKHÜN 77:10

Tüsho inü tha, “Ha I thsünü ah; tüshe inü Khide Achang khah tsülim kambo lümkhitbah.”

MUNGSHIKHÜN 85:6

Nü mihtsürünü nü lung asühachihpü thsüde, nünü isa müthsüphuloba de?

ISAIA 10:4

Nüsa keochih ching laksahbah yungsho aramrü nangde thobah ayübah. Ha alala thsungkheak api bukakhiukkhi rholode mutso; api khah kheakü khiungde chungkih-a lah.

ISAIA 41:10

dütre, tümüde I nü lung lah, dütre, tümüde I nü Thrünpuh ah; inü nü reangzahshihbah, inü nü rungbah, inü nü I thiyuro khah tsülimnü tholobah.

ISAIA 5:25

Jumonü Atungpuhnü api mihtsürü azhihde bukakhiukkheah, tüsho arü azhihde api khah chungkhit tüsho arü shik; müzüngbo aniung tüsho arü ashemibo kiudunglimro ching müneanmuru-mujung nangde la. Ha alala thsungkheak api bukakhiukkhi rholode mutso, tüsho api khah kheakü khiungde chungkih-a lah.

ISAIA 57:16

Tümüde inü mutukzhakde mümüdam, yungsho kamruhroro bukmakhiuk; junangde inü athrünkhi mebo I miki lungbah.

ISAIA 9:12

Siriarü aniakhiuklim tüsho Filistiarü aniyüzahlim, Israel muyupü arü mün kaa lah. Ha alala thsungkheaknü api bukakhiukkhi rholode mutso; api khah kheakü khiungde chungkhih-a lah.

ISAIA 9:17

Jumonü Atungpuhnü arü athunu mihtsürübo kheak mihmuzho mülakheah, yungsho arü mürerübo tüsho khimoberü kheak muzhomüyi mülakheah; tümüde mihbüm abannü Thrünpuh mümükheah tüsho amütsü-rhimorü lakheah, tüsho arü mün abannü mahkhapkhi yu tha. Ha alala thsungkheaknü api bukakhiukkhi rholode mutso, api khah kheakü khiungde chungkih-a lah.

ISAIA 9:21

Manasenü Ephraim tsüh, Ephraimnü Manase tsüh, tüsho rukhühnü arünü Juda azhih. Tümüde ha alala thsungkheaknü api bukakhiukkhi rholode mutso; api khah kheakü khiungde chungkih-a lah.

JEREMIA 51:25

Inü nü azhihde lah, O athsümünimrü wung, Atungpuhnü thachoh, küpü hode alomi abümnü thsümünimcho; inü nü azhihde I khah chungkihbah, tüsho inü nü lungku chingnü lungde yükishihbah, tüsho takabahkhi wung kamshihbah.

YUNIRÜBO RHIMO 2:33

Jumonü Thrünpuh khah tsülim shuhkihjihde, tüsho Amüsüh Menü alokhikhi Abuh kilimnü leangkhide, nüsanü angükhi tüsho asokhi ha apinü nüsa kheak dungkihjih.