MUNGSHIKHÜN 138:4 - AMÜSÜH HÜM CL Bible (BSI)

⁴ Küyimki arünü nü mün ching nü yubo sobanü, alomi kiulongthsürü alalanü nü shijihbah, O Atungpuh .

MUNGSHIKHÜN 138:4 Iomraidhean Croise

MUNGSHIKHÜN 102:15

Junangde trükshihbonü Atungpuh mung, tüsho alomi kiulongthsürübo alalanü nü müretahkhi trebah.

MUNGSHIKHÜN 102:22

mihtsürübo tüsho kiulongthsübo Atungpuh tankihpü rukhüh mukhungchoki ah.

MUNGSHIKHÜN 22:22

Inü I keoniorü ki nü mung khipkhitbah; amukhungrü bolung inü nü shijihbah.

MUNGSHIKHÜN 22:27

Alomiküp thrip aban chingnü Atungpuh lümkhitbah tüsho api kilim rholobah; tüsho trükshih yamkhün alalanü api kingaünbah.

MUNGSHIKHÜN 51:13

Judüki inü athsümünimrü ki nü limrobo thsangyubah. Tüsho aneakrübo nü kilim rholobah.

MUNGSHIKHÜN 57:9

O Atungpuh , inü mihtsürü bolung nü ki makshe jihbah; inü trükshih bolung mungshikhünbo thsübah.

MUNGSHIKHÜN 71:18

Kheaküshe I küyimki ashinbuhrü tüsho kubuyukba, inü ha arüpü lakhi lün mihbüm aban ki nü wu tüsho sühmüh müthayikia, O Thrünpuh, I dübahyuk.

MUNGSHIKHÜN 72:11

Kiulongthsürü alalanü api miki mükhümbah; trükshih alalanü api tankihbah.

ISAIA 49:23

Kiulongthsürübo ju nü kümmusurü buhrübo labah, tüsho arü niuberübo ju nü mütrürü berübo thsübah. Arü miro alo lim kheahbah arünü nü ki khukningbah, tüsho nü jing kheak asungthulung müleakbah. Judüki I Atungpuh de nünü amükheahbah; sherünü I aleangbanü achih müngüshih.”

ISAIA 60:16

Nünü trükshihbo kheaknü niuhke dukbah, nünü kiulongthsürübo niuh dukbah; tüsho I Atungpuh , nü Khümkhitbuh tüsho nü Rhokhitrü, Jakob yo Wuto Khülang ah de nünü amükheahbah.

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”

AMIKHEAKAKHIUKKHI 21:24

Ha ayin hode trükshihbonü atsahbah; tüsho alomi kiulongthsürübonü arü müretah ju ching lude arübah,