MUNGSHIKHÜN 138:2 - AMÜSÜH HÜM CL Bible (BSI)

² Inü nü amüsüh arüngyam lim kingaünbah, tüsho nü muzho tüsho nü thiyuro dünkheak nü mung shibah; tümüde nünü nü mung alala kurungkheak nü yu thushihdo.

MUNGSHIKHÜN 138:2 Iomraidhean Croise

1 KIULONG THSÜRÜ 8:15

Apinü tha, “Israel Thrünpuh, Atungpuh shiang, api münnü I buh David ki alokhikhi akhah hode dünjishih, apinü tha,

1 KIULONG THSÜRÜ 8:20

Kheakü Atungpuhnü alokhikhi rhimodo; tümüde I buh David lapung ching I asürü; Atungpuhnü alokhikhi nangde Israel kiulongthsü-binkiu kheak I bin, tüsho Israel Thrünpuh, Atungpuh mung thsungkheak thüyam thsü.

1 KIULONG THSÜRÜ 8:24

nünü nü yamlarü I buh David ki thakhi tangzüng zodo; nünü nü münnü alokhi tüsho khihni nü khahnü dünjishihdo.

MUNGSHIKHÜN 115:1

Isa kilim yung, O Atungpuh , isa kilim yung, tüshe nü amüthsüm tüsho nü thiyuro dünkheaknü nü mung müretahshang.

MUNGSHIKHÜN 28:2

Inü arung thsungkheak nü ki zhide, nü amüsüh arüngyam lim I khah chungkihchoki, inü amushukhi düsheak sojang.

MUNGSHIKHÜN 5:7

Tüshe nü muzho ato hode I nü yam ching yüzahbah; nü wüntrekhi chingnü inü nü amüsüh arüngyam ching kingaünbah.

MUNGSHIKHÜN 5:8

O Atungpuh , I riribo thsungkheaknü nü thiyuro-lungki ching I beang; nü limro I miki langakindo kamshang.

MUNGSHIKHÜN 56:10

apinü alokhikhi dünkheak inü ashijihkhi Atungpuh lah.

MUNGSHIKHÜN 56:4

Inü Thrünpuh kheak kinchoh tüsho I mütre; apinü alokhikhi dünkheak inü api shichoh. Mihtsürünü I ki tümü thsükhukpü?

MUNGSHIKHÜN 85:10

Mihmüthsüm tüsho thiyuro rukhüh shoruachihdo; thiyuro-lungki tüsho mungtsü müthsüpachihdo.

MUNGSHIKHÜN 86:15

Tüshe O Atungpuh , nü a muzhomüyi tüsho amüthsüm ah, arünnü bukakhiukchoh, amuzho tüsho thiyuro ching muzhomopungde lah.

MUNGSHIKHÜN 99:5

Atungpuh isa Thrünpuh shuhkihang, tüsho api müphü-dubopung ki kingaünang, tümüde api amüsüh ah.

MUNGSHIKHÜN 99:9

Atungpuh isa Thrünpuh shuhkihang, tüsho api amüsüh wung kheak kingaünang; tümüde Atungpuh isa Thrünpuh ju amüsüh ah.

ISAIA 42:21

Atungpuhnü api thiyuro-lungki dünkheak api thsangyukhi thushihpü tüsho ju müretahde kamshihpü asühdo.

ISAIA 63:7

Inü Atungpuh mihmuzho rhimobo, mung shipü thülünkhi Atungpuh rhimobo, Atungpuhnü isa thsungkheak rhimokhi alala dünkheak, tüsho Israel yamkhün kilim tode tsüdakkhi, apinü anihbuh mihmüthsüm yande arü ki huhkhi, api muzhodakkhi muzhomopung yande athabah.

DANIEL 6:10

Mütsan-hüm kheak ju dokihdo de Danielnü mükheahkheah she, apinü mutuklode api yam ching yü, küpü Jirusalem limpeang akube khiungshak ching ayinripitbo lakhea, tüsho apinü püpüki rhimokhi nangde api Thrünpuh ki tamkhüntamnüde api shijihpü nimung chingnü mahsam ki khukning.

MATHI 24:35

Thüning tüsho alomi hode atsobah, tüshe I yubo a küyimkishe hode mutso.

MATHI 5:18

Inü nüsa ki thiyuro thachoh, thüning tüsho alomi la khiungde, yakzan ching lakhi thiyuji aninibe yungsho athrütkhi aninibe ju müdünjiyikia müdükheak.

JOHAN 1:17

Tümüde yakzan ju Mosa hode jih, tüshe Jisu Khrista hode amüthsüm tüsho thiyuro arü.

JOHAN 10:35

Apinü Thrünpuh yu arüshihrü ki thrünpuhbo de jisho (tüsho amüsühyu ju müthsümünimkhuk),