MUNGSHIKHÜN 133:3 - AMÜSÜH HÜM CL Bible (BSI)

³ Haju Hermon ayinke, Zion müzüngbo kheak akikhi nangde lah; tümüde ju ching Atungpuhnü müngühmühi thiyukhüm jihdo– lünnü alapü rhangdung.

MUNGSHIKHÜN 133:3 Iomraidhean Croise

MUNGSHIKHÜN 16:11

Nünü I ki rhangdung limro huhbah; nü lakhi ching khiukde asühachih lah; nü khah tsülimpeang lünnü reangkeampü lah.

MUNGSHIKHÜN 21:4

Apinü nü kilimnü rhangdung kheang, tüsho nünü api kilim rhangdung kutsüpde alapü jih.

MUNGSHIKHÜN 21:5

Nü akhümkhit ching api müretah tode lah; akinashu tüsho wüntre-müretah nünü api kheak yihkihjih.

MUNGSHIKHÜN 42:8

Atungpuhnü animuro kim ching api muzhodakkhi huhbah, tüsho are api khün I lung labah– I rhangdung Thrünpuh kilim tamkhüntamnü khülang labah.

MÜCHITMUDU 19:12

Kiulongthsüpuh bukakhiukkhi ju kekhüzü arungkhi nangde lah, tüshe api muzho a rim kheak ayinke nangde lah.

LEVI 25:21

Inü kam thurukpü ching nüsa thsungkheak I müngühmühi jihbah; junangde kam mahsam thsungkheaknü sangsolungso suhdahde asoshihbah.

MIKA 5:7

Judüki mihtsürü ahihdonü zündoa lakhi aningkhi, mihtsürü kheak mangükhi yungsho mihtsürü she maleangkhi Jakob ju Atungpuh kilimnü ayinke nangde, sangrung kheak tsüngbo nangde alabah.

JOHAN 4:14

tüshe shepünü inü api kilim jihpü lakhi ke yungbanü küyimkishe kemüthüri. Tüshe inü api kilim jihpü lakhi ke ju akheam müla rhangdung kenü bukpung khülang kambah.”

JOHAN 5:24

Atsütsü inü nüsa ki thachoh, shepünü I yu anicho tüsho I thiyibuh kheak kinchonü akheam müla rhangdung lah, tüsho mahkhap ching marü, tüshe ashe chingnü hode rhangdung lim yüdo.

JOHAN 5:29

tüsho akhiukbah–sherünü atsü rhimokheanü arhang kamlobah rhangdung labah, tüsho sherünü amütsü rhimokheanü arhang kamlokhi ching bahyukbah.

JOHAN 6:68

Simon Peternü api ki alo, “Atungpuh, isanü shepü ki yüpü? Nü yubo akheam müla rhangdung lah.

ROMRÜ KILIM PAULNÜ ATHRÜTKHI KIHÜM HUHTANYU 5:21

junangde neaknü ashekhi ching yakzan shuhkhi ruk, isa Atungpuh Jisu Khrista hode mihmüthsümnü lün rhangdung lim thiyuro-lungki yande yakzan shuhbah.

ROMRÜ KILIM PAULNÜ ATHRÜTKHI KIHÜM HUHTANYU 6:23

Tümüde neak mihkhah ju ashekhi, tüshe Thrünpuh akeang thsambah ju Atungpuh Jisu Khrista ching lün rhangdung lah.

YUZÜNGTHALO 28:8

“Atungpuhnü nüsa jakam tüsho nüsanü arhimokhi alala ching müngühjihbah, tüsho Atungpuh nüsa Thrünpuhnü ajihkhi lo ching apinü nüsa müngühjihbah.

YUZÜNGTHALO 4:48

Arnon ayung yean lakhi Aroer kheaknü Sion müzüng khiungde (ju Hermon,)

JIHUSUA 13:11

Ju chingnü Gilead, Geshur tüsho Maaka lomi Hermon wung alala, tüsho Bashan chingnü Saleka khiung;

1 JOHAN 2:25

Tüsho ha lün rhangdung apinü isa ki alokhikhi lah.

1 JOHAN 5:11

Tüsho Thrünpuhnü isa kilim lün rhangdung jihkhi ha thiyumütsan ah, tüsho ha rhangdung api tsührü kheak lah.

AMIKHEAKAKHIUKKHI 1:18

tüsho arhang labuh ah; I ashekheah, tüsho kheahang, lün thsungkheak lah, tüsho Ashe tüsho athsümüchi mükhipbebo inü zhimlah.