MUNGSHIKHÜN 132:10 - AMÜSÜH HÜM CL Bible (BSI)

¹⁰ Nü yamlarü David thsülimnü, nünü mujude-mokhitkhi miro dürholoshih.

MUNGSHIKHÜN 132:10 Iomraidhean Croise

1 KIULONG THSÜRÜ 11:34

Judüalalashe inü kiulongthsü abümnü api kheaknü lubah mutso tüshe inü amokhitkhi I yamlarü David tüsho apinü I yukhümbo le I yakzanbo anikhi mung chingnü api rhangdung lakhi amuyung yakzanshuhrü thsüshihbah;

2 KIULONG THSÜRÜ 19:34

Tümüde ha kiuto khümkhitpü I tüsho inü I yamlarü David mung chingnü inü akhanglobah.”

2 KIULONG THSÜRÜ 8:19

Tütüshe api yamlarü David dünkheaknü Atungpuhnü Juda müthsümünim, tümütüsho apinü api tüsho tsühsoniuso kilim lünnü tsünpung khülang jihpü alokhi.

2 KIUTHSÜYUKHEAN 6:42

O Atungpuh Thrünpuh, nünü mujude-mokhitkhi dübahyuk. Nü yamlarü David thsungkheak nünü muzhokhi lümkhitang.’ ”

MUNGSHIKHÜN 144:10

shepünü kiulongthsürübo kilim akuk ngüshihcho, shepünü api yamlarü David bekhit.

MUNGSHIKHÜN 84:10

Nü arüngyam ching lakhi nimung khülang ju püpü lim chithürü kheaknü atsübe; mihbukmuyukrü khimyambo ching lapü dün a I a Thrünpuh yam ching ripit-neakrü thsübah.

MUNGSHIKHÜN 84:9

O Thrünpuh, isa tsung kheahang, tüsho nünü mujude-mokhitkhi miro kheah kheahang.

HOSEA 3:5

Ju dunglim Israelrünü rholobah tüsho Atungpuh arü Thrünpuh, tüsho arü kiulongthsüpuh David yimbah; akheam nimungbo ching arünü Atungpuh trede api müngühmühi lim arübah.