MUNGSHIKHÜN 131:2 - AMÜSÜH HÜM CL Bible (BSI)

² Tsükjide I akhimahe lado tüsho I me zhikde lado, khungarü khülang abe khüh kheak sütsüt ayapkhi nangde lado; khungarü sütsüt ayapkhi nangde I me ching lah.

MUNGSHIKHÜN 131:2 Iomraidhean Croise

MUNGSHIKHÜN 42:11

Tümüde I khide mulong tukthsüla? Tümüde I khide küpkhukla? Inü Thrünpuh kheak I mulonglambah, tüsho mutuklode I khümkhitbuh tüsho I Thrünpuh shibah.

MUNGSHIKHÜN 42:5

Tümüde I khide mulong tukthsüla? Tümüde I khide küpkhukla? Inü Thrünpuh kheak I mulonglambah, tüsho mutuklode I khümkhitbuh tüsho I Thrünpuh shibah.

MUNGSHIKHÜN 43:5

Tümüde I khide mulong tukthsüla? Tümüde I khide küpkhukla? Inü Thrünpuh kheak I mulonglambah, tüsho mutuklode I khümkhitbuh tüsho I Thrünpuh shibah.

MUNGSHIKHÜN 62:1

I menü arümde Thrünpuh aleangchoh; I akhümkhit api kilimnü arüchoh.

ISAIA 30:15

Tümüde Wuto Atungpuh , Israel Amüsüh Thrünpuhnü ha thachoh: Arholokhi tüsho sühakhimkhi ching nüsa khümkhitbah; keamramkhi tüsho akinkhi ching nüsa sühmüh labah. Tüshe nüsanü reanglo

TÜZHOKHI 3:26

Khürünü Atungpuh akhümkhit thsungkheak zhikde aleangkhi ju tsülah.

MARK 10:15

Atsütsü inü nüsa ki thachoh, shepünü azürü anini nangde Thrünpuh kiulongthsü müleangkhibanü ju ching küyimkishe müyüzah.”

LUKNÜ ATHRÜTKHI THIYUSHEAK-ATSÜ HUHTANYU 21:19

Düküngde azhipkhi ching nüsa rhangdung alü thsübah.

1 KORINT 14:20

Keoniorübo, nüsa lümzülümdo ching azürü düthsü, amütsü ching khungarü thsang, tüshe lümzülümdo ching azorü kamang.

1 SAMUEL 24:10

Künangde Atungpuhnü lungkhün ching nü I khah ching jihkheanü ha nimungnü nü müknü ngüdo; tüsho khürünü nü laksahpü I ki athsung, tüshe inü nü khümkhit. Inü tha, ‘I tungpuh azhihde I khah mushuhkih; tümüde api Atungpuhnü mujude-mokhitkhi lah.’

1 SAMUEL 30:6

David a khide atrebe ching lakheah; tümüde mihtsürübonü api lungnü arupü tha, tümütüsho arü tsührübo thsungkheaknü mihtsürübo mulong thsümünimde alakheah. Tüshe Davidnü Atungpuh api Thrünpuh kheak azangrü reangzahlo.