MUNGSHIKHÜN 131:1 - AMÜSÜH HÜM CL Bible (BSI)

¹ Atungpuh , I mulong mükükheang, yungsho I mükbo mümüzhing. Inü I thsungkheaknü achakato yungsho khide amüyinsahbe mülümrhih.

MUNGSHIKHÜN 131:1 Iomraidhean Croise

2 SAMUEL 6:22

Ha kheaknü she alü I zangrü bahyukbah tüsho khenoa lubah; tüshe nünü athakhi yamlarübo miki a I wüntre jihbah.”

JOB HU H T ANYU 42:3

Nünü keokhi, “I mükheahmudu mübede lümthiyan shepünü ramcho?” Jumonü tümü inü manikhitkhuknü inü thado, I thsungkheaknü khide amüyinsahbe, küpü inü mümükheahkhea.

MUNGSHIKHÜN 101:5

Shepünü nihbuh yamhingrü mülapmüjichonü inü api thsümünimbah; shepü mükzahlungzah la tüsho akükheangkhi mulong lanü, inü api marümkheam.

MUNGSHIKHÜN 122:1

Küyimki arünü, “Isanü Atungpuh yam ching yüanü,” de I ki thakheanü I asüh.

MUNGSHIKHÜN 124:1

Israelnü kheakü thashang, “Isa kilim tsangkhi ju Atungpuh müthsükhülaa,

MUNGSHIKHÜN 133:1

Keoniorü rukhüh arihako ching lachoki küdükhüh atsü tüsho asühachihpü la!

MUNGSHIKHÜN 139:6

Hadürü mükheahmudu ju I thsungkheaknü khide amüyinsahbe lah; ha changlah, inü ha manikhitkhuk.

MÜCHITMUDU 21:4

Mük-müzhingkhi, kükheangküyang mulong tüsho mihbukmuyuk ju neak ah.

JEREMIA 17:16

Inü nü mihnu neakde nü yankhi chingnü mutso, yungsho inü adükheakpü nimung mükün. I münküp chingnü tümü akhiukkheanü nünü mükheahlah; ha nü miki lakheah.

JEREMIA 45:5

Tüsho nü thsungkheak nünü kukruk atobo yimcho de? Jurübo düyim; tümüde mihtsürü alala kheak inü thsümütsü handarübah, Atungpuhnü thachoh; tüshe nü kürü ching yübanü inü nü rhangdung tsokhitshihbah.”

WÜHKHE 12:3

Mosa ju alomiküp kheak larü alala kheaknü khide azhihayih mihtsürü lakheah.

MATHI 11:29

I sangkap lubah nüsa kheak yihkihang tüsho I kheaknü anikhitang, tümüde I tsüyihrü tüsho mulong athünak, tüsho nüsa me sühakhim ngübah.

YUNIRÜBO RHIMO 20:19

Jihudarünü azhihde rükaki tode lalashe azhihayihde tüsho chike bukde inü Atungpuh tankih;

ROMRÜ KILIM PAULNÜ ATHRÜTKHI KIHÜM HUHTANYU 11:33

Thrünpuh lakhitbo küdükhüh ato a! Api lümlung tüsho mükheahmudu küdükhüh sükla? Shepünü api limrobo anikhitkhukba?

ROMRÜ KILIM PAULNÜ ATHRÜTKHI KIHÜM HUHTANYU 12:16

Khülangnü khülang ki arihakokhi ching laang; dükükheang, tüshe abobe kuhi mihtsürü lung arihpü mulongang. Nü küdahnü lümlung larü ah de dülüm.

YUZÜNGTHALO 17:20

Junangde apinü nihbuh keoniorü kheaknü api atsübe ah de mülüm, tüsho thiyukhüm chingnü tsülim yungsho huzulim manguh tüsho Israelrü bolung api kiulongthsü ching api tüsho tsühsoniusobonü lün ahihdo yakzan shuhbah.

1 TESALONIKA 2:10

Isa künangde nüsa ki amüsüh, thiyurolungki tüsho amudopü mülade nüsa akinrübo ki yakli lakheanü, nüsa tüsho Thrünpuh she isa thiyumütsanbo lah;

1 SAMUEL 16:13

Judüki Samuelnü oliv müdangke pung lu, tüsho akhiungmungrü mikinü api mujude-mokhit; tüsho ju nimungnü Atungpuh me ju wu chingnü David kheak arü. Jushu Samuelnü tsahmusu tüsho Rama lim yü.

1 SAMUEL 16:18

Athrününgtsüng khülangnü tha, “Inü Bethlehemrü Jesse tsührü khülang akingsorü, mulong torü, athrungrü, thiyu ching ayuk, tüsho trungdung akheahakhamkhi ngüdo; tüsho Atungpuh api lung lah.”

1 SAMUEL 16:22

Saulnü Jesse kilim thiyia yüshihde tha, “David I tankihpü ching lashang, tümüde I mük ki api tsüde ngüdo.”

1 SAMUEL 17:15

tüshe David a abuh yo namfimihnu yimkippü Bethlehem lim yüde alakheah.

1 SAMUEL 18:23

Jumonü Saul yamlarübonü harü yubo ramde David ki thaa huh. Tüsho Davidnü tha, “I zhochihrü mihtsürü tüsho tümü mükamrü khülangnü kiulongthsüpuh tsühmeakrü thsüpü anikhüh nangde nüsanü kheahcho de?”