MUNGSHIKHÜN 130:3 - AMÜSÜH HÜM CL Bible (BSI)

³ Atungpuh , nünü amülimbo mütsanmükhisho, O Atungpuh , shenü azhipkhukpü?

MUNGSHIKHÜN 130:3 Iomraidhean Croise

EZRA 9:15

O Atungpuh Israel Thrünpuh, nü thiyuro, tümüde isa khürü khihni rhangdung lashihlah. Kheahang, isa nü miki isa neak ching lah, jumonü shenü she nü miki müzhipkhuk.”

JOB HU H T ANYU 10:14

Inü neak yihbeaksho, nünü I kheahchoh, tüsho I mülimkhi chingnü I müdükhe.

JOB HU H T ANYU 15:14

Api amüsüh lakhukpü thsüde mihtsürü ju tümü a? Tüsho api thiyuro lakhukpü thsüde aliberünü azübekhi ju she a?

JOB HU H T ANYU 9:20

I amülim mülalashe, I münnü I bahyukbah; I mungchih mülalashe, junü I amülim jihbah.

MUNGSHIKHÜN 143:2

Nü yamlarü kheak mahkhappü ching düyüzah, tümüde nü miki rhangdung lakhi sheshe thiyuro-lungki müla.

MUNGSHIKHÜN 76:7

Nü lang atrepü lah. Nü bukakhiukchoki shenü nü miki zhipkhukpü la?

ISAIA 53:6

Isa alala namfimihnunubo nangde tsophülapdo; isa alala nihbuh limro rholodo, tüsho Atungpuhnü isa alala mülimkhibo api kheak zojih.

NAHUM 1:6

Api bukakhiukkhi müngüh shenü azhipkhukpü? Api bukakhiukkhi atak shenü arümkhukpü? Api mulong zhipzhip ju mo nangde dungkhitchoh, tüsho api hode lungtobo adütre kamde yihnakchoh.

MALAKI 3:2

Tüshe api arükhi nimung shenü arümkhukba, tüsho api akhiukchoki shenü azhipkhukba? Api ju atsangkhitbe mo tüsho dükhüh-throbe nangde lah;

YUZÜNGTHALO 9:27

Nü yamlarübo Abraham, Isak tüsho Jakob lümkhitang; ha mihtsürübo nihnihkhi, yungsho mihbukmuyuk yungsho arü neak dükheahjih,

AMIKHEAKAKHIUKKHI 6:17

tümüde arü bukakhiukkhi nimung ato arüdo, tüsho shepünü ju müngüh zhipkhukba?”