MUNGSHIKHÜN 13:5 - AMÜSÜH HÜM CL Bible (BSI)

⁵ Tüshe inü nü amüthsüm ching kinchoh; I mulongnü nü akhümkhit ching asühchoh.

MUNGSHIKHÜN 13:5 Iomraidhean Croise

MUNGSHIKHÜN 119:81

Nü akhümkhit thsungkheak I me keaksahchoh, tüshe inü nü yu ching kinchoh.

MUNGSHIKHÜN 147:11

Atungpuhnü api trerü, api amüthsüm ching mulonglamrü kheak asühchoh.

MUNGSHIKHÜN 25:2

O I Thrünpuh, nü kheak inü kinchoh, I achih düngüshih; I riribonü I dükukshih.

MUNGSHIKHÜN 32:10

Mihbukmuyuk kilim mulong rozhak ahihdo labah; tüshe shepü Atungpuh kheak kinchonü mihmüthsümnü api mükamdobah.

MUNGSHIKHÜN 33:18

Kheahang, Atungpuh mük ju api trerü, api muzhodakkhi ching mulonglamrü kheak lah,

MUNGSHIKHÜN 36:7

O Thrünpuh, nü muzhodakkhi küdükhüh shoto a! Mihtsürü tsührübonü nü ghidükeangbo me khüp tsoyukchoh.

MUNGSHIKHÜN 38:17

Tümüde I alungpü thsüde lah, tüsho I mulong rozhak mutuklode I miki lah.

MUNGSHIKHÜN 51:12

I kilim akhümkhit asühachihpü jihloang, tüsho nü ki mihyuanipü I künsahde kamshang.

MUNGSHIKHÜN 52:8

Tüshe I a Thrünpuh yam ching oliv sangdung phüyak nangde lah; inü Thrünpuh mihmüthsüm ching lünnü lün kinchoh.

MUNGSHIKHÜN 9:14

junangde Zion tsührübebo miki inü zhipbah nü mung shikhi thabah, tüsho nü akhümkhit ching asühachihbah.

ISAIA 12:2

Tsükjide Thrünpuh a I yo akhümkhit; inü akinbah, tüsho mütre, tümüde Atungpuh ju I sühmüh tüsho khün; api I akhümkhit kamdo.

HABAKKUK 3:18

tütüshe inü Atungpuh lung asühachihbah; inü I khümkhitrü Thrünpuh lung tode asühbah.

LUKNÜ ATHRÜTKHI THIYUSHEAK-ATSÜ HUHTANYU 1:47

I menü I khümkhitbuh Thrünpuh lung asühchoh,

LUKNÜ ATHRÜTKHI THIYUSHEAK-ATSÜ HUHTANYU 2:20

Tüsho namfimihnu neakrübonü arü ki thakhi nangde arünü alala so tüsho ngübah Thrünpuh müretahde tüsho shijihde alode arü.

JUDNÜ ATHRÜTKHI KIHÜM HUHTANYU 1:21

nüsabo Thrünpuh amuzho ching lang; lün rhangdung lim isa Atungpuh Jisu Khrista mihmüthsüm thsungkheak aleangang.

1 SAMUEL 2:1

Hannanü tamkhüntamnü tüsho tha, “I mulongnü Atungpuh lung asühchoh; I sühmüh Atungpuh lung shuhkihdo. Inü I riri ki münejihchoh, tümütüsho inü akukkhi ching I asühchoh. @SP ACE=