MUNGSHIKHÜN 13:2 - AMÜSÜH HÜM CL Bible (BSI)

² Külokhüh inü lümkhilümduhba, tüsho nimung aban mulong rozhak laba? Külokhüh I kumung I riri shuhkihba?

MUNGSHIKHÜN 13:2 Iomraidhean Croise

NEHEMIA 2:2

jumonü apinü keokhi, “Nü mutukthsüthsüa tümüde nü miro mulong tukthsüde huhcho le? Ha tümü yung tüshe mulong masühkhinü ah.” I khide tre

ESTER 7:6

Esternü alo, “Isa riri, isa thsümüchirü ju, akhüh mihtsürü Haman ah!” Judüki Hamannü kiulongthsüpuh le kiulongthsübe ane kheak trede kheahmürip.

JOB HU H T ANYU 10:15

I mihbukmuyuk dükhülaa, I ayokhe! I thiyuro lalashe, inü I ku mudukokhuk, tümüde I achihnü mide thsünükhi ching lah.

MUNGSHIKHÜN 10:18

mürerü tüsho junoa larü ki thiyuro rhimopü, junangde alomi mihtsürünü kheaküa mujuno.

MUNGSHIKHÜN 116:3

Ashebe thsününü I mükamdo, tüsho Ashe-lomi mihtrebenü I tholo; inü küpkhuk tüsho mulong rozhak ngü.

MUNGSHIKHÜN 17:9

I junorü mihbukmuyuk chingnü, I zündoa lakhi asheshihbe thiriri chingnü.

MUNGSHIKHÜN 31:18

Arünü kükheangde tüsho bahyukde thiyuro-lungkirü azhihde asukkhi dünkheak arü keangtha münküp zhikde kamshang.

MUNGSHIKHÜN 38:17

Tümüde I alungpü thsüde lah, tüsho I mulong rozhak mutuklode I miki lah.

MUNGSHIKHÜN 42:4

Küyimki inü harü lümkhitbanü, I me thurukhitchoh. Tümüde inü asühkhi düsheak thsüde, tüsho makshe jihde boto lung Thrünpuh yam lim yü.

MUNGSHIKHÜN 6:4

Rholoang, O Atungpuh , I rhangdung bekhitang; nü amüthsüm lakhi hode I khümkhitang.

MUNGSHIKHÜN 7:2

jude yungsho kekhüzünü nangde arünü I zamthünakbah, tüsho shenü müyankhide adütre kamde thomüzütbah.

MUNGSHIKHÜN 74:10

O Thrünpuh, külokhüh nü azhihrünü nü münejihba? Thiririnü lünnü nü mung mükhemükimba de?

MUNGSHIKHÜN 74:18

O Atungpuh , thiririnü keangrümünechoh, tüsho makharü mihtsürünü nü mung mükhemükimdo de lümkhitang.

MUNGSHIKHÜN 8:2

Ha azürü tüsho khungarübonü khün thsü. Nü a nü riri kheaknü khümkhita tüsho tsokhita lah; nünü nü azhihrü zhikde kamshih.

MUNGSHIKHÜN 9:6

Thiriri ju lünnü athsümünim ching dükheakdo; nünü kiutobo rukkhitdo; arü lümrhihpü dükheakdo.

MÜCHITMUDU 15:13

Asühkhi mulongnü miro yinshihchoh, tüshe mulong rozhakkhinü me thsümünimchoh.

T H S AN GYU T H S AN GR ARÜ 5:17

Ju lung, arü nimungbo alala arünü amiting ching khide küpkhukde, tukthsüde tüsho bukakhiukde tsühyungdo.

JEREMIA 15:18

Tümüde I thsünükhi mükheam le, I mü müngu le, athsüngupü thsunglocho? Tsükjide, nü a I ki mülapyukkhi keyung nangde, buksapke ngahkhi nangde lah.

JEREMIA 45:3

Nünü tha, “ I are! Atungpuhnü I thsünükhi alü kamshihdo; I ashearakhinü khia lah tüsho sühakhim müngü.”

JEREMIA 8:18

I mulong rozhak müthsüngukhuk, I mulong ching sheshichoh.

TÜZHOKHI 1:5

Anihbe riribo aputungrübo kamdo, anihbe riribo thsü-tsüde lah, tümütüsho anihbenü thsümünimkhi hihdakmonü Atungpuhnü anihbe thsünüshih; anihbe tsührübo tsoabahdo, thiri miki aramrübo ah.

TÜZHOKHI 1:9

Anihbe mümüsühkhi ju rungthsün kheak lakheah; anihbenü arübe thsungkheak mülümakheah; anihbe keamkhi atrebe lakheah, shenü anihbe mushukheam. “ O Atungpuh , I thsünükhi kheak kheahang, tümüde thiririnü kukdo!”

TÜZHOKHI 5:20

Tümüde nünü isa shahde mih-a la? Tümüde nünü isa haruhroro bahyukkhea?

MATHI 26:38

Apinü arü ki tha, “I me ashepü thsüde mulong rozhaklah. Nüsa ha kheak I kheahde aleangang.

LUKNÜ ATHRÜTKHI THIYUSHEAK-ATSÜ HUHTANYU 22:53

Küyimki I arüngyam ching nimung aban nüsa lung lakhea, nüsanü I rampü mümürang. Tüshe ha nüsa kim, tüsho amiting wu lah.”

JOHAN 16:6

Tüshe inü nüsa ki harü thakhi hode, mulong rozhakkhinü nüsa mulong mia lah.

ROMRÜ KILIM PAULNÜ ATHRÜTKHI KIHÜM HUHTANYU 9:2

junangde I mulong ching mulong rozhak ato tüsho mükheamkhi thsünü lah.

FILIPI 2:27

Atsütsü api ashepü thsüde tukthsüde alakheah. Tüshe Thrünpuhnü api le I kheak mihmüthsüm huhdo, jude yungkhülaa I a mulong rozhaknü mulong rozhak lapü lakheah.

1 SAMUEL 18:29

Saulnü kheaküshe David khide tre. Jumonü ju kim chingnü Saul ju David riri lakheah.

1 SAMUEL 24:19

Tümüde shepünü nihbuh riri ngübah khümkhita tsoshihdü le? Jumonü khihni nünü I ki atsü rhimokhi dünkheak Atungpuhnü nü kilim thsambah jihshang.