MUNGSHIKHÜN 128:1 - AMÜSÜH HÜM CL Bible (BSI)

¹ Shepünü Atungpuh trecho, shepünü api limrobo ching tsahchonü müngühmühi.

MUNGSHIKHÜN 128:1 Iomraidhean Croise

2 SAMUEL 22:22

Tümüde inü Atungpuh yakzanbo ani, tüsho mihbukmuyuk rhimode I Thrünpuh kheaknü müchamachih.

MUNGSHIKHÜN 103:1

Atungpuh shiang, O I me; tüsho I kheak lakhi alala, api amüsüh mung shiang!

MUNGSHIKHÜN 103:13

Buhrünü tsührü muzhokhi nangde, Atungpuhnü api trerü muzhochoh.

MUNGSHIKHÜN 103:17

Tüshe Atungpuh amüthsüm ju api trerü kilim akheam mülanü akheam müla khiungde, tüsho api thiyuro-lungki ju tsührü tsührübo khiungde lah,

MUNGSHIKHÜN 112:1

Atungpuh shiang! Mihtsürü shepünü Atungpuh trecho, shepünü api yukhümbo ching tode asühchonü müngühmühi.

MUNGSHIKHÜN 115:13

Apinü Atungpuh trerü, anini tüsho ato chido müngühjihbah.

MUNGSHIKHÜN 119:1

Shepü limro areak mükihde la, shepü Atungpuh yakzan ching tsahchonü müngühmühi!

MUNGSHIKHÜN 119:3

Arünü amülim she mürhimo; arünü api limrobo ching tsahchoh.

MUNGSHIKHÜN 120:1

I lümthsünü ching inü Atungpuh ki zhi, tüsho apinü I ki sojih.

MUNGSHIKHÜN 121:1

Inü awungbo lim abinkih-a kheahchoh; I arung küchingnü arüba?

MUNGSHIKHÜN 122:1

Küyimki arünü, “Isanü Atungpuh yam ching yüanü,” de I ki thakheanü I asüh.

MUNGSHIKHÜN 123:1

Nüsa sherü yinmibo ching lanü, nüsa kilim inü abinkih-a kheahchoh.

MUNGSHIKHÜN 124:1

Israelnü kheakü thashang, “Isa kilim tsangkhi ju Atungpuh müthsükhülaa,

MUNGSHIKHÜN 125:1

Sherü Atungpuh kheak kinchonü makhinde lünnü alapü lakhi Zion Müzüng nangde lah.

MUNGSHIKHÜN 126:1

Küyimki Atungpuhnü Zion aramrübo belode arükheanü, isabo milim mirü nangde alakheah.

MUNGSHIKHÜN 127:1

Atungpuhnü thüyam müthsüsho, ha thsürübo ju akeangkeang ching rhimochoh; Atungpuhnü kiuto maheangsho, aheangrü ju akeangkeang ching zhipchoh.

MUNGSHIKHÜN 147:11

Atungpuhnü api trerü, api amüthsüm ching mulonglamrü kheak asühchoh.

MUNGSHIKHÜN 81:13

O, I mihtsürünü I ki anikhülaa, junangde Israelnü I limrobo ching tsahkhülaa!

LUKNÜ ATHRÜTKHI THIYUSHEAK-ATSÜ HUHTANYU 1:50

Tüsho api amüthsüm lün chingnü lün api trerü kheak lah.

LUKNÜ ATHRÜTKHI THIYUSHEAK-ATSÜ HUHTANYU 1:6

Ane chido Thrünpuh miki alungki, Atungpuh yukhüm tüsho thiyuzüngbo yande jakreak mükihde alakheah.

YUNIRÜBO RHIMO 9:31

Junangde Judea, Galilee tüsho Samaria ching borü alala mungtsü lade tankih-a lakheah; tüsho Atungpuh trekhi ching tsahde tüsho Amüsüh Menü mulong shukheamkhi ching wüh bude kam.

YUZÜNGTHALO 28:3

“Nüsa kiuto tüsho lomi ching müngühjihbah.

1 TESALONIKA 4:1

Akheam ching, keoniorübo, nüsanü künangde alaba tüsho Thrünpuh asühshihbanü isa kheaknü anikhitbah rhimode alakhi nangde alü thsüde rhimoang de Atungpuh Jisu mung chingnü nüsa ki mushude tuthsukchoh.