MUNGSHIKHÜN 127:1 - AMÜSÜH HÜM CL Bible (BSI)

¹ Atungpuhnü thüyam müthsüsho, ha thsürübo ju akeangkeang ching rhimochoh; Atungpuhnü kiuto maheangsho, aheangrü ju akeangkeang ching zhipchoh.

MUNGSHIKHÜN 127:1 Iomraidhean Croise

1 KIULONG THSÜRÜ 5:12

Jumonü anihbuhnü api kheak alokhikhi nangde Atungpuhnü Solomon kilim lümlung jih. Hiram tüsho Solomon dükeak mungtsü lakheah; tüsho anenü binthrüm thsü.

1 KIUTHSÜYUKHEAN 28:10

Kheakü aniang, tümüde amüsüh dangpung yam khülang thsüpü Atungpuhnü nü mokhitdo; reangzahang, tüsho rhimoang.”

1 KIUTHSÜYUKHEAN 28:20

Davidnü kheaküshe api tsührü Solomon ki tha, “Reangzahang, tüsho tsüde mulong toang, tüsho rhimoang. Dütre yungsho mulong dünini: tümüde Atungpuh Thrünpuh, I Thrünpuh, nü lung lah. Atungpuh yam ching arüngako rhimo alala mübanyi khiungde apinü nü müdükhe yungsho nü mübahyuk.

1 KIUTHSÜYUKHEAN 29:19

I tsührü Solomon kilim nü yukhümbo, nü kiuthsü yukhüm, nü yakzan thsükhibo alala yande, inü tsanglunga lakhi arüngyam thsüpü thiyuro lümkhi jihang.”

MUNGSHIKHÜN 120:1

I lümthsünü ching inü Atungpuh ki zhi, tüsho apinü I ki sojih.

MUNGSHIKHÜN 121:1

Inü awungbo lim abinkih-a kheahchoh; I arung küchingnü arüba?

MUNGSHIKHÜN 122:1

Küyimki arünü, “Isanü Atungpuh yam ching yüanü,” de I ki thakheanü I asüh.

MUNGSHIKHÜN 123:1

Nüsa sherü yinmibo ching lanü, nüsa kilim inü abinkih-a kheahchoh.

MUNGSHIKHÜN 124:1

Israelnü kheakü thashang, “Isa kilim tsangkhi ju Atungpuh müthsükhülaa,

MUNGSHIKHÜN 125:1

Sherü Atungpuh kheak kinchonü makhinde lünnü alapü lakhi Zion Müzüng nangde lah.

MUNGSHIKHÜN 126:1

Küyimki Atungpuhnü Zion aramrübo belode arükheanü, isabo milim mirü nangde alakheah.

MUNGSHIKHÜN 72:1

O Thrünpuh, kiulongthsüpuh kilim nü mahkhapbo, tüsho kiulongthsüpuh tsührü kilim nü thiyuro-lungki jihang.

MUNGSHIKHÜN 78:69

Tüsho apinü achangbo nangde, apinü lünnü thsüa zokhi alomi nangde api arüngakopung thsü.

MÜCHITMUDU 16:9

Mihtsürü mulongnü api limro lümkhi thsüchoh, tüshe Atungpuhnü api jingdükübo huhchoh.

T H S AN GYU T H S AN GR ARÜ 9:11

Kheaküshe alomiküp ching inü angükhi ju, athride alihrünü kamruhroro malihkhukchoh, mulong zahrünü kamruhroro thirithsü mukukchoh, lümlung larünü kamruhroro jim müngüchoh, kukhiuk ayuk mihtsürünü kamruhroro lakhit müngüchoh, tüsho anikhit mihtsürünü kamruhroro achang ching müyükihchoh. Kuhi amütsü mihbüm abande dünjichoh.

KHÜNBOLUNGKHÜN 3:3

Kiuto aheangde atsahrünü I ngü. Inü arü ki keokhi, “Nüsanü I tsübuh ngünah?”

KHÜNBOLUNGKHÜN 5:7

Kiuto mükamde aheangrübonü I ngü; arünü I lak, tüsho I yurijih, chipi aheangrübonü I khimmihbo lude tso.

ISAIA 27:3

I Atungpuhnü ha neakchoh; kim abande inü ke duhchoh. Inü azhing ayin aheangchoh, junangde shenü müthsümünim;

ISAIA 56:10

Israel aheangrübo mük tuka lah, arü alala amükheah müla; arü alala müchikhukbe aduh yihnubo ah; milim mide awuh-a yapde, yapnekudopü muzhochoh.

ISAIA 62:6

Nü rhübo kheak, O Jirusalem, inü aheangrü zojihlah; nimungroro tüsho tsüngreroro arünü zhikde müla. Nüsa sherü Atungpuh ki lümkhitloshihbanü zhikde düla,

JEREMIA 51:12

Babilon chipi yeande riphin khülang shuhkihang; akheahrü düküngshang; ajimrü thsakhamang; tümüde Atungpuhnü Babilon ching larü dünkheak tümü asukdünü lümkhi thsüdo tüsho rhimodo.

JEREMIA 51:31

Alihrü khülangnü püpürü shorupü tüsho yunithsürü khülangnü püpürü shorupü, api kiuto akheamnü akheam khiungde alukhi Babilon kiulongthsüpuh ki thapü alihchoh:

1 KORINT 15:14

Khrista arhang mükamlokhülaa, isa thsangyuthsangra tüsho nüsa akin akeangkeang ah.

1 KORINT 3:7

Jumonü shepünü khimcho yungsho shepünü ke duhchonü tümü she yung, tüshe atoshihbuh ju Thrünpuh ah.

GALATIA 4:11

Nüsa thsungkheak I akeangkeang ching rhimoa lashi de I mulong sansanlah.

YUZÜNGTHALO 8:18

Tüshe Atungpuh nüsa Thrünpuh lümkhitang, tümüde lakhit ngüpü apinü wu-sühmüh nüsa kilim jihchoh, junangde nüsa khihni lakhi nangde, apinü nüsa bebuhrü ki tangzüngkhi düküngloshihba.

JIHUSUA 2:2

Ju tsüngre Israelrü khürü lomi rük yimpü arüa lah de Jirikho kiulongthsüpuhnü so,