MUNGSHIKHÜN 126:3 - AMÜSÜH HÜM CL Bible (BSI)

³ Atungpuhnü isa thsungkheak ato rhimodo, jumonü isa asühde lah.

MUNGSHIKHÜN 126:3 Iomraidhean Croise

MUNGSHIKHÜN 18:50

Api kiulongthsürü kilim apinü abekhitkhi ato jihchoh, tüsho api yo mujude-mokhitkhi David, tüsho anihbuh tsühsoniusobo ki lünnü amüthsüm huhchoh.

MUNGSHIKHÜN 31:19

Mihtsürü tsührübo miki nü trerü tüsho nü kheak kinrü thsungkheak nünü azojihkhi nü tsükhi küdükhüh ato a!

MUNGSHIKHÜN 68:22

Atungpuh nü tha, “Inü arübo Bashan chingnü belode arübah, inü arübo keto asükbo chingnü belode arübah,

ISAIA 25:9

Ju nimung thabah, Kheangang, ha isa Thrünpuh ah; isa khümkhitshihpü thsüde isanü api aleangkheah. Ha isanü aleangkhi Atungpuh lah; isanü api akhümkhit ching asühanü tüsho asühachihanü.

ISAIA 66:14

Nüsanü angübah tüsho nüsa mulong asühbah; nüsa robo rimkiu nangde shih kihbah; tüsho Atungpuh khah api yamlarübo kheak lah de mükheahbah, tüsho abukakhiukkhi api riribo azhihde lah.

JOEL 2:20

Inü dukulim bonungrü nüsa kheaknü limshude atsoshihbah, tüsho loshelo le tümü masürükhi lo ching yana yüshihbah, mikhuh larübo aniakhiuklim keto ching, tüsho dunglimrü aniyüzahlim keto ching tsoshihbah; ashemibo shuhrhüm münimbah. Tümütüsho arünü nüsa kheak tode rhimodo.

JOEL 2:21

Dütre, O alo; asühang tüsho asühachihang, tümüde Atungpuhnü ato rhimodo!

LUKNÜ ATHRÜTKHI THIYUSHEAK-ATSÜ HUHTANYU 1:46

Tüsho Marinü tha, “I menü Atungpuh shichoh;

LUKNÜ ATHRÜTKHI THIYUSHEAK-ATSÜ HUHTANYU 1:49

Tümütüsho shepü wutoanü apinü I thsungkheak ato rhimodo tüsho api mung amüsüh lah.

AMIKHEAKAKHIUKKHI 12:10

Tüsho yinmi ching düsheak achangnü thade inü so, “Kheakü akhümkhit, wu isa Thrünpuh kiulongthsü tüsho api yo Khrista thiyukhüm-sühmüh arüdo, tümüde isa Thrünpuh miki azhing ayin isa keoniorü amülim jihrü jipkhia bahdo.