MUNGSHIKHÜN 125:3 - AMÜSÜH HÜM CL Bible (BSI)

³ Tümüde mihbukmuyuk tso thiyuro-lungkirü khilim akhukhi lomi kheak mükeam, jude yungsho thiyuro-lungkirünü amülim kheak arü khahnü aqiubah.

MUNGSHIKHÜN 125:3 Iomraidhean Croise

MUNGSHIKHÜN 103:14

Tümüde apinü isa thrünkhi mükheahlah; isa asungthulung ah de apinü lümkhitchoh.

MUNGSHIKHÜN 103:9

Apinü lünnü isa kheak müshochih, yungsho lünnü api bukakhiukkhi muzo.

MUNGSHIKHÜN 55:20

Api ki mungtsü larü azhihde api khah chungkih; apinü nihbuh tangzüng thsümünim.

MUNGSHIKHÜN 89:22

Thiririnü api mürükyuk, yungsho mihbukmuyuk tsührünü api müthsümüchi.

MÜCHITMUDU 22:8

Shepünü amütsü hiuchonü küpkhuk yimluchoh, tüsho api bukmükekhi tso thsümünimbah.

ISAIA 10:5

Are, Asiria, I bukakhiukkhi tso–arü khah ching lakhi shitso ju I mulong zhipzhipkhi!

ISAIA 27:8

Yankhita bahde, ramtso hode nünü arü azhihde thirithsü; abukakhiukde apinü arü aniakhiuklim pung yünkhi nimung lahkhita bah.

1 KORINT 10:13

Mihtsürü kheak müdünjikhi nüsa kilim tümü rükaki marü. Thrünpuh ju thiyuro, tüsho apinü nüsa sühmüh kheak hode rükmakishih, tüshe rükaki lungnü she atsokhitpü jihbah, junangde nüsanü ju arümkhukbah.

AMIKHEAKAKHIUKKHI 2:10

Nü thsünüpü lakhi dünkheak dütre. Inü nü ki thachoh, arimrinü nüsa khürü rükakipü rihyam ching yukbah, tüsho nüsa thsümüchikhi nimung thürü rünkhitbah. Ashepü she khiungde thiyuro laang, tüsho inü nü kilim rhangdung kuthran jihbah.

1 SAMUEL 24:10

Künangde Atungpuhnü lungkhün ching nü I khah ching jihkheanü ha nimungnü nü müknü ngüdo; tüsho khürünü nü laksahpü I ki athsung, tüshe inü nü khümkhit. Inü tha, ‘I tungpuh azhihde I khah mushuhkih; tümüde api Atungpuhnü mujude-mokhitkhi lah.’