MUNGSHIKHÜN 125:2 - AMÜSÜH HÜM CL Bible (BSI)

² Müzüngbonü Jirusalem mükamdokhi nangde, ha kimnü rünbah lünnü Atungpuhnü api mihtsürü mükamdobah.

MUNGSHIKHÜN 125:2 Iomraidhean Croise

2 KIULONG THSÜRÜ 6:17

Judüki Elishanü tamkhüntamnü: “O A TUN GPU H , muzhobah apinü angüpü thsüde amükbo khimshuhjang.” Jumonü Atungpuhnü yamlabuh mükbo khimshuhjih tüsho apinü ngü; khorabo tüsho khora-lolungbebonü Elisha zündomükamde awung mia lakheah.

MUNGSHIKHÜN 121:8

Atungpuhnü ha kimnü ründe tüsho lünnü nü wukhiukkhi tüsho azahkhi kümbah.

MUNGSHIKHÜN 34:7

Atungpuh wüntrerü api yunirünü aheangchoh tüsho arü bekhitchoh.

ISAIA 4:5

Zion Müzüng tüsho ju ching mukhunga larü alala kumung, Atungpuhnü animung amo le mokhüh tüsho are motru zhingzhing yüshihbah. Thrünpuh müretahkhinü kiuto abümnü alüpdobah tüsho alamdobah.

TÜZHOKHI 4:12

Alomi kiulongthsürübonü yungsho alomiküp ching larü shenü she Jirusalem chipiripitbo ching thiriri yüzahkhukbah de mükin.

ZEKARIA 2:5

Tümüde ju alala mükamde I ju mo chipi labah, Atungpuhnü thachoh, tüsho ju ching I müretahkhi labah.”

YUZÜNGTHALO 33:27

Akheam mülakhi Thrünpuh ju nü lapung lah, tüsho abukkhüp lakhi ju akheam mülakhi khahbo ah. Tüsho apinü thiriri nüsa müngühnü yana tsoshihchoh, tüsho tha, ‘Dükheang.’