MUNGSHIKHÜN 123:4 - AMÜSÜH HÜM CL Bible (BSI)

⁴ Zuzu thsüde alakhi akükheangrünü isa luhmünekhinü isa me mithülamdo.

MUNGSHIKHÜN 123:4 Iomraidhean Croise

NEHEMIA 2:19

Küyimki Sanballat, Tobia tüsho Arabrü Geshem arünü isa akeanangkhi sokhea, arünü isa kheak münejihde tha, “Nüsanü rhimocho ju tümü ah de lümcho le? Nüsa kiulongthsüpuh azhihpü thsücho de?”

JOB HU H T ANYU 12:5

Nüsa küpkhuk müla tüshe nüsanü I kheah-a münejihchoh; angakpü thsüde alakhi mihtsürü ki nüsanü kingdo.

JOB HU H T ANYU 16:4

Nüsa I ruk ha lakhülaa, inü she nüsa ruk thakhukbah; nüsa azhihde inü thiyu zhidode athabah tüsho nüsa kheak I ku angambah.

MUNGSHIKHÜN 119:51

Akükheangrünü kamruhroro I kheah-a münejihchoh, tüshe inü nü yakzan chingnü müchamachih.

ISAIA 32:11

Niukang, nüsa keamramde lakhi liberübo, ajanang, nüsa reangkeamde larübo; nüsa khimmih yihkhitang, tüsho nüsa chim kheak shungliukhim yihang.

ISAIA 32:9

Asürang, nüsa keamramde alakhi liberübo, I düsheak aniang; nüsa reangkeamde alakhi tsührübebo, inü asukkhi aniang.

JEREMIA 48:11

Moab a api athunuchokinü zuzu lakheah, yukhu nangde azhihzhih kingmukhungdo; api a phüh khülang chingnü khülang mudungakeang, yungsho api a ramtso ching müyü; jumonü api kekhi judü lang lah tüsho api rhümthüneakhi mümüthri.

JEREMIA 48:27

Api mahühmüdama lalashe Israel ju nü thsungkheaknü münedung lakheah; tüshe nünü api dünkheak asukchoki nü ku lukchoh!

JEREMIA 48:29

Isanü Moab kükheangkhi–api khide kükheanglah–changde alümkhi, lülüshishikhi tüsho api bukakhiukkhi tüsho api mulong ching juno-lümlung lakhi sodo.

AMOS 6:1

Sherü zuzu thsüde Zion ching la, tüsho sherü Samaria müzüng kheak kuramde la, akhuh trükshih ching mungkhung mihtsürübo, sherü kheak Israel yamkhünnü arung luchonü ayokhe!

YUNIRÜBO RHIMO 17:21

Kheakü ju ching lakhi Athenrü tüsho khiungkerübonü tümüanü aso thakhi tüsho anikhi ching lang kim hoshih.

YUNIRÜBO RHIMO 17:32

Küyimki arünü asherü arhang kamlokhi dünkheak sokhea, khürünü münejih; tüshe püpürünü tha, “Ha dünkheak kheaküshe isanü nü ki anibah.”

YUNIRÜBO RHIMO 26:24

Tüsho apinü hanangde chiloshu, Festanü düsheak achangnü tha, “Paul, nü abünrü ah; nü mükheah atonü nü abünrü kamshihchoh.”

1 KORINT 4:13

küyimki mükhemükimbanü, isanü muzhode alochoh; kheakü isa alomi sünit, alomiküp müneanmuru nangde kamdo.

1 SAMUEL 17:42

Küyimki Goliathnü David ngükhea, apinü münejih, tümüde api athunu, mürümmürido tüsho trungdung atsü lakheah.