MUNGSHIKHÜN 122:1 - AMÜSÜH HÜM CL Bible (BSI)

¹ Küyimki arünü, “Isanü Atungpuh yam ching yüanü,” de I ki thakheanü I asüh.

MUNGSHIKHÜN 122:1 Iomraidhean Croise

MUNGSHIKHÜN 119:111

Nü yukhümbo ju lünnü yamrüplurüp thsüde inü ludo, tümüde jurübo I mulong asühbe lah.

MUNGSHIKHÜN 120:1

I lümthsünü ching inü Atungpuh ki zhi, tüsho apinü I ki sojih.

MUNGSHIKHÜN 121:1

Inü awungbo lim abinkih-a kheahchoh; I arung küchingnü arüba?

MUNGSHIKHÜN 123:1

Nüsa sherü yinmibo ching lanü, nüsa kilim inü abinkih-a kheahchoh.

MUNGSHIKHÜN 124:1

Israelnü kheakü thashang, “Isa kilim tsangkhi ju Atungpuh müthsükhülaa,

MUNGSHIKHÜN 125:1

Sherü Atungpuh kheak kinchonü makhinde lünnü alapü lakhi Zion Müzüng nangde lah.

MUNGSHIKHÜN 126:1

Küyimki Atungpuhnü Zion aramrübo belode arükheanü, isabo milim mirü nangde alakheah.

MUNGSHIKHÜN 127:1

Atungpuhnü thüyam müthsüsho, ha thsürübo ju akeangkeang ching rhimochoh; Atungpuhnü kiuto maheangsho, aheangrü ju akeangkeang ching zhipchoh.

MUNGSHIKHÜN 128:1

Shepünü Atungpuh trecho, shepünü api limrobo ching tsahchonü müngühmühi.

MUNGSHIKHÜN 129:1

“Arünü I athunu kim chingnü thsümüchido,” Israelnü kheakü thashang–

MUNGSHIKHÜN 130:1

Asükbo chingnü inü nü ki zhido, O Atungpuh ;

MUNGSHIKHÜN 131:1

Atungpuh , I mulong mükükheang, yungsho I mükbo mümüzhing. Inü I thsungkheaknü achakato yungsho khide amüyinsahbe mülümrhih.

MUNGSHIKHÜN 132:1

Atungpuh , David tüsho api thsümütsübo alala lümkhitjang;

MUNGSHIKHÜN 133:1

Keoniorü rukhüh arihako ching lachoki küdükhüh atsü tüsho asühachihpü la!

MUNGSHIKHÜN 134:1

Nüsa Atungpuh tankihrübo alala, azhing ching Atungpuh yam ching zhiprü, Atungpuh shiang!

MUNGSHIKHÜN 26:8

O Atungpuh , inü nü lapung yam, tüsho nü müretah lakhi dangpung muzholah.

MUNGSHIKHÜN 42:4

Küyimki inü harü lümkhitbanü, I me thurukhitchoh. Tümüde inü asühkhi düsheak thsüde, tüsho makshe jihde boto lung Thrünpuh yam lim yü.

MUNGSHIKHÜN 55:14

Isa rukhüh asukachihde lado tüsho rukhüh arüngyam ching kingaündo.

MUNGSHIKHÜN 84:10

Nü arüngyam ching lakhi nimung khülang ju püpü lim chithürü kheaknü atsübe; mihbukmuyukrü khimyambo ching lapü dün a I a Thrünpuh yam ching ripit-neakrü thsübah.

ISAIA 2:3

mihtsürü ahihdo arübah tüsho athabah. “Arang, isanü Atungpuh wung lim, Jakob Thrünpuh yam ching wutuanü; junangde apinü api limrobo isa ki thsangyubah tüsho isanü api jingshubo ching tsahbah.” Tümüde Zion chingnü yakzan, tüsho Jirusalem chingnü Atungpuh yu wukhiukbah.

JEREMIA 31:6

Tümüde judüki nimung khülang aheangrünü Ephraim lomi wung ching jikhi labah: “Arang, isanü Atungpuh isa Thrünpuh kilim Zion ching wutuanü.”

EZEKIEL 46:10

Küyimki arü azahbanü, kiulongthsüpuh ju arü lung azahbah; tüsho küyimki arü wukhiukbanü, api wukhiukbah.

MIKA 4:2

tüsho trükshih ahihdonü arübah tüsho athabah: “Arang, isanü Atungpuh müzüng, Jakob Thrünpuh yam ching wutuanü; junangde apinü isa ki api limrobo thsangyubah tüsho isanü api tsahpungbo ching tsahbah.” Tümüde Zion chingnü thsangdankhi, tüsho Jirusalem chingnü Atungpuh yu mikhuh ching yübah.