MUNGSHIKHÜN 121:7 - AMÜSÜH HÜM CL Bible (BSI)

⁷ Atungpuhnü amütsü alala chingnü nü küma lashihbah; apinü nü me küma lashihbah.

MUNGSHIKHÜN 121:7 Iomraidhean Croise

THRÜNTAN 28:15

Kheahang, I nü lung lah tüsho nü kürü ching yübanü nü aheangbah, tüsho ha lo ching nü belode arübah, tümüde inü nü ki asukkhi mürhimoyi khiungde inü nü müdükhe.”

1 KIUTHSÜYUKHEAN 4:10

Jabeznü Israel Thrünpuh ki jide tha, “O nünü I müngühjang tüsho I lomi tode kamshang! Nü khah I lung labah, tüsho thsümütsü chingnü I küma zoang, junangde thsünükhi chingnü I zuzu labah.” Tüsho api tamkhüntamnükhi Thrünpuhnü alojih.

MUNGSHIKHÜN 145:20

Atungpuhnü api muzhorü alala küma lashihchoh, tüshe apinü mihbukmuyuk alala thsümünimbah.

MUNGSHIKHÜN 34:22

Atungpuhnü api yamlarübo rhangdung rhokhitchoh; api kheak tsoyukrü sheshe mübahyuk.

MUNGSHIKHÜN 41:2

Atungpuhnü api kümbah tüsho rhangdung lashihbah, tüsho api alomi kheak müngühmühi labah; apinü anihbuh ariribo lümkhi ching muyukjih.

MUNGSHIKHÜN 97:10

Nüsa sherünü Atungpuh muzholanü, amütsü thraneanang! Apinü api yo amüsührü mebo kümchoh; apinü mihbukmuyuk khah chingnü arü bekhitchoh.

MÜCHITMUDU 12:21

Thiyuro-lungkirü tümünü she mütrünthsü, tüshe mihbukmuyuk a amütsünü amibah.

WÜHKHE 6:24

Atungpuhnü nüsa müngühshang tüsho nüsa kümshang;

MATHI 6:13

tüsho rükaki ching isa dübeshih, tüshe amütsübe chingnü isa bekhitang. Tümütüsho nü kiulongthsü, wu tüsho müretah lünnü lah. Amen.

ROMRÜ KILIM PAULNÜ ATHRÜTKHI KIHÜM HUHTANYU 8:28

Api lümkhi yande jia larü, apinü amuzhorü ki lüpdükhi ching Thrünpuhnü atsü thsungkheak rhimochoh de isanü mükheahlah.

2 TIMOTHI 4:18

Atungpuhnü amütsü lüpdükhi chingnü I bekhitbah tüsho api yinmi kiulongthsü thsungkheak I khümkhitbah. Api ki lünnü lün müretahshang. Amen.