MUNGSHIKHÜN 120:7 - AMÜSÜH HÜM CL Bible (BSI)

⁷ I a mungtsü thsungkheak lah; tüshe küyimki inü asukbanü, arübo thirithsü thsungkheak lah.

MUNGSHIKHÜN 120:7 Iomraidhean Croise

2 SAMUEL 20:19

I Israel ching mungtsü tüsho thiyuro amuzho lakhi bolung khülang ah; Israel ching lakhi berü kiuto thsümünimpü nünü yimchoh; tümüde nünü Atungpuh yamrüplurüp muyuba le?”

MUNGSHIKHÜN 109:4

Inü amuzhokhi müthri arübo ju I müdamrü ah, tüshe I a tamkhüntamnüde lah.

MUNGSHIKHÜN 34:14

Amütsü chingnü chamkhiang tüsho atsü rhimoang; mungtsü yimang, tüsho ju müshamang.

MUNGSHIKHÜN 35:20

Tümüde arünü mungtsü masuk, tüshe arünü lomi ching keamramde alarü azhihde mülapmüji asahchoh.

MUNGSHIKHÜN 55:20

Api ki mungtsü larü azhihde api khah chungkih; apinü nihbuh tangzüng thsümünim.

MATHI 5:9

Mungtsü thsürübo asühpü, tümüde arü ki Thrünpuh tsührübo de ajibah.

ROMRÜ KILIM PAULNÜ ATHRÜTKHI KIHÜM HUHTANYU 12:18

Kuksho, nünü alala ki mungtsü laang.

IBRI 12:14

Mihtsürü alala kheak mungtsü tüsho amüsüh rhangdung lapü mürangang, tüsho ju mübedüa shenü she Atungpuh müngü.

MAHKHAPRÜ 11:14

Jumonü Jephthanü kheaküshe Amon kiulongthsüpuh kilim yunithsürübo yüshih,