MUNGSHIKHÜN 119:9 - AMÜSÜH HÜM CL Bible (BSI)

⁹ Küde thsah athunu mihtsürü khülangnü nihbuh limro müsühkhitkhukba? Nü yukhüm mihyuanikhi yande alabah.

MUNGSHIKHÜN 119:9 Iomraidhean Croise

2 KIUTHSÜYUKHEAN 6:16

Jumonü, O Atungpuh , Israel Thrünpuh, nü yamlarü I buh David ki alokhikhi zoang, küpü nünü api ki alokhide tha, ‘Nü tsührübonü lang nünü I miki tsahkhi ruk I yakzan ching tsahde arünü kümkangde anisho I miki Israel kiulongthsü-binkiu kheak binpü nü müthri küyimkishe mülade müthsü.’

JOB HU H T ANYU 1:5

Tüsho küyimki aniojikhi nimungbo tankihkhea, Jobnü arübo jibah müsühkhit, tüsho apinü yapsu mükikde asürübah arü khekhi yande taka kingaünkhi jih; tümüde Jobnü tha, “ Khükia I tsührübonü neak yihbeaka labah, tüsho arü mulong ching Thrünpuh athrua labah.” Hanangde Job nü kamruhroro rhimo.

JOB HU H T ANYU 13:26

Tümüde nünü I azhihde akhühbe thrütchoh, tüsho I athunuchoki amülim thsükhibo yimlushihchoh.

MUNGSHIKHÜN 119:11

Inü nü yu I mulong ching ramlah, junangde inü nü azhihde neak müyihbeak.

MUNGSHIKHÜN 17:4

Püpürü nangde inü amütsü masuk; inü nü yu anido tüsho athsümünim limro müyan.

MUNGSHIKHÜN 25:7

I athunu neakbo yungsho inü alakmihkhibo dülümkhitjih; nü muzhodakkhi tüsho nü tsükhi ching I lümkhitang, O Atungpuh !

MUNGSHIKHÜN 34:11

Arang, I tsührübo, I ki aniang, inü nüsa ki Atungpuh wüntrepü thsangyubah.

MÜCHITMUDU 1:10

I tsah-a, amüneanrünü nü münitsho, hehuh düthsü.

MÜCHITMUDU 1:4

lümzülümdo thülihrü kilim lümlung, athunu mihtsürü kilim mükheahmudu tüsho adüngakhi jihpü–

MÜCHITMUDU 2:11

adüngakhinü nü küma lashihbah; anikhitkhinü nü aheangbah,

MÜCHITMUDU 4:1

I tsührübo, buhrünü thsangdankhi aniang, tüsho anikhitkhi mükheahpü kurhangang;

MÜCHITMUDU 7:7

tüsho rük-thülihrü athunurü bolung anikhitpü mülakhi athunu mihtsürü khülang ngükhit,

T H S AN GYU T H S AN GR ARÜ 11:9

Athunu mihtsürü, nü athunu kim ching asühang, tüsho nü athunu nimungbo ching nü mulong asühshang. Nü mulongnü abekhi tüsho nü müknü angükhi yanang, tüshe harü alala thsungkheak Thrünpuhnü mahkhap ching hande arübah de mükheahang.

LUKNÜ ATHRÜTKHI THIYUSHEAK-ATSÜ HUHTANYU 15:13

Nimung anükhüh dunglim, akheambuhnü api lakhi alala hanmukhungbah limshu lomi ching hantsahde yü tüsho api lakhit phinphurukabah.

JOHAN 15:3

Inü nüsa ki asukkhi yu hode nüsa müsühkhita lah.

YUZÜNGTHALO 17:18

Küyimki api kiulongthsürü binkiu kheak binbanü Levirü amükeamrübonü azokhi Thrünpuh yakzan tüsho thsangyukhi hüm chingnü anihbuh thsungkheak shihküp kheak thrütkih-a zobeah.

2 TIMOTHI 2:22

Jumonü athunu shihkünkhi yakli chingnü tsokhiang tüsho atsangkhitkhi mulong chingnü Atungpuh ki jirü lungnü thiyuro-lungki, akin, amuzho tüsho mungtsü müshamang.

JIHUSUA 1:7

Judü lang reangzahang, mulong ato thsang; tüsho I yamlarü Mosanü ajihkhi yakzan alala anide arhimopü kümkangang. Ju chingnü tsülim yungsho huzulim danguh, ju hode küching küching yüyü she nünü akukbah.