MUNGSHIKHÜN 119:73 - AMÜSÜH HÜM CL Bible (BSI)

⁷³ Nü khahbonü I thsü, tüsho nungnükhit; I ki anikhitpü jihang, junangde inü nü yakzanbo anikhitbah.

MUNGSHIKHÜN 119:73 Iomraidhean Croise

1 KIUTHSÜYUKHEAN 22:12

Atungpuhnü lang nü kilim mükheahmudu tüsho lümlung jihshang, junangde apinü nü Israel kurungkheak limberü thsüshihchoki nünü Atungpuh nü Thrünpuh yakzan anibah.

2 KIUTHSÜYUKHEAN 2:12

Hiramnü kheaküshe tha, “Atungpuh Israel Thrünpuh shiang, shepünü thüning tüsho alomi thrün, shepünü kiulongthsüpuh David kilim lümlung mütsankhitpü tüsho anikhitpü, Atungpuh thsungkheak arüngyam khülang tüsho anihbuh thsungkheak kiulongthsürü-yam thsüpü lakhi tsührü jih.

JOB HU H T ANYU 31:15

Shepünü I nuyam ching thrünkheanü arü she athrünkhi yung de? Tüsho khülang buhnü isa chido nuyam ching thrünkhi yung de?

JOB HU H T ANYU 32:8

Tüshe mihtsürü kheak me khülang lah, tüsho Wutobuh sheaknü anikhitpü api kilim jihchoh.

MUNGSHIKHÜN 100:3

Atungpuh , api ju Thrünpuh ah de mükheahang; isa thrünkhi ju api ah, tüsho isa küdahnü yung; isa api mihtsürü tüsho api rimlopung namfimihnubo.

MUNGSHIKHÜN 111:10

Atungpuh trekhi ju lümlung atankih ah; api yukhümbo rhimorü alala anikhitkhi atsü lah. Api shijihkhi lünnü rünkhiungde lah.

MUNGSHIKHÜN 119:125

I nü yamlarü ah; I ki anikhitkhi jihang, junangde inü nü yakzan thsükhibo mükheahbah.

MUNGSHIKHÜN 119:144

Nü yakzan thsükhibo thiyuro-lungki ju akheam müla; I ki anikhitkhi jihang, tüsho I alabah.

MUNGSHIKHÜN 119:169

Inü azhikhi nü miki arüshang, O Atungpuh ; nü yu yande I kilim anikhitkhi jihang.

MUNGSHIKHÜN 119:34

I kilim anikhitpü jihang, tüsho inü nü yakzan zobah; atsütsü, inü ju I mulong athrünkhinü aleangkhibah.

MUNGSHIKHÜN 138:8

Atungpuhnü I thsungkheak apinü alokhikhi dünjishihbah; O Atungpuh , nü amüthsüm lünnü rünkhiungde lah; nü khah rhimobo dübahyuk.

MUNGSHIKHÜN 95:6

O arang, isanü kingaünanü tüsho mükhümanü; isanü Atungpuh isa Thrünrü miki khukninganü.

2 TIMOTHI 2:7

Inü tümü thachonü lümakheahang, tümüde Atungpuhnü lüpdükhi ching nü kilim anikhitkhi mülüjihbah.

JAKOB 3:18

Tüsho mungtsü-thsürünü mungtsü ching mükheankhi ju thiyuro-lungki yimlukhi lah.

1 JOHAN 5:20

Thrünpuh tsührü arüdo tüsho thiyuro lakhi api mükheahpü isa kilim anikhitkhi jihdo de isanü mükheahlah; tüsho thiyuro lakhi, api tsührü Jisu Khrista kheak isa lah. Ha thiyuro Thrünpuh tüsho lün rhangdung.