MUNGSHIKHÜN 119:59 - AMÜSÜH HÜM CL Bible (BSI)

⁵⁹ Inü I limro lümakheah tüsho I jingdükübo nü yakzan thsükhibo lim rholo.

MUNGSHIKHÜN 119:59 Iomraidhean Croise

TÜZHOKHI 3:40

Isanü isa limrobo ajamakheahanü tüsho jurü rükakiakheahanü, tüsho Atungpuh kilim rholoanü.

EZEKIEL 18:28

Tümütüsho apinü alakmihkhi alala lümakheahchoh tüsho jurü chingnü rholode tsochoh, tsükjide api alabah; api müshe.

EZEKIEL 18:30

Jumonü, O Israel yamkhün, inü nüsa mihbüm aban nihbuh limrobo yande mahkhapbah, Wuto Atungpuhnü thachoh. Mulong müthriang! Nünü alakmihkhi alala chingnü rholode tsoang; junangde neaknü nüsa mükeamshih.

EZEKIEL 33:19

Tüsho küyimki mihbukmuyuknü api mihbukmuyuk chingnü rholoba tüsho yakzan lungki tüsho alim tümüanü rhimosho, junü api labah.

JOEL 2:13

Nüsa khimmih yungde nüsa mulong yihthünakang. Atungpuh , nüsa Thrünpuh kilim rholoang, tümüde api ju mihmuzho tüsho mihmüthsüm, arünnü bukakhiukchoh, tüsho düküngde amuzhopü suhdahde lah tüsho thsümüchi chingnü lümalochoh.

HAGGAI 1:5

Kheakü jumonü Wuto Atungpuhnü ha thachoh: Nüsa limrobo lümakheahang.

HAGGAI 1:7

Wuto Atungpuhnü ha thachoh: Nüsa limrobo lümakheahang.

JOHAN 11:29

Alibenü ju soakede tsahmusubah api kilim arü.

2 KORINT 12:21

Küyimki I nüsa kilim alode arübanü Thrünpuhnü I nüsa miki azhihayihshihpü tüsho mümüsühkhi, müzammüram, tüsho küpküprara rhimokhi chingnü mulong mümüthrirü ahihdo kurungkheak tüzhopü inü trejihlah.

2 KORINT 13:5

Nüsa akin hode ramlola shi yungnü nüsa küdah thsüde rükakheahang. Nüsabo rükakheahang. Khrista nüsa kheak lah de nüsanü mülümkhitcho de? – nüsanü rükakheahpü lakphah-a lah yungsho!