MUNGSHIKHÜN 119:49 - AMÜSÜH HÜM CL Bible (BSI)

⁴⁹ Nü yamlarü kilim nü yu lümkhitang, tümüde nünü I kilim mulonglam jih.

MUNGSHIKHÜN 119:49 Iomraidhean Croise

THRÜNTAN 32:9

Jakobnü tha, “O I pü Abraham Thrünpuh tüsho I buh Isak Thrünpuh, Atungpuh shepünü I ki tha, ‘Nü lomi tüsho nü buhtsührü kilim alode yüang, tüsho inü nü ki tsüde arhimobah’;

THRÜNTAN 8:1

Judüki Thrünpuhnü Noa tüsho api lung sangkung ching rhangdung lakhi shiwüh alala lümkhit. Tüsho Thrünpuhnü alomi kumung apung yünshih tüsho kebo keamlo.

2 SAMUEL 5:2

Kim anükhüh thsungkheak, küyimki Saul isa kurungkheak kiulongthsürü lakhea, nünü Israel limbe. Atungpuhnü nü ki tha: nünü I mihtsürü Israel neakbah, nünü Israel kurungkheak yakzan shuhbah.”

2 SAMUEL 7:25

Tüsho kheakü, O Atungpuh T HRÜNPU H , nünü nü yamlarü tüsho api yamkhün dünkheak thakhi lün thsungkheak adüngakhi thsüang; nünü alokhikhi nangde thsüang.

JOB HU H T ANYU 7:7

O! I rhangdung ha sheak ah de lümkhitjang; I müknü küyimkishe atsü müngülo.

MUNGSHIKHÜN 105:2

Api ki khün thsang, api ki mungshikhünbo thsang; api amüyinsahbe rhimobo alala dünkheak thaang.

MUNGSHIKHÜN 105:42

Tümüde apinü api amüsüh alokhikhi tüsho ayamlarü Abraham lümkhit.

MUNGSHIKHÜN 106:4

O Atungpuh , nünü nü mihtsürü rungchoki I lümkhitang; nü akhümkhit bede I rhua kheahang,

MUNGSHIKHÜN 106:45

tüsho arü dünkheaknü apinü api tangzüng lümkhit, tüsho mükhebinkhi api amüthsümbo yande lümalo.

MUNGSHIKHÜN 119:147

Inü yapsu müyinkhiyide asürüchoh, tüsho arung thsungkheak zhichoh; inü nü yu ching mulonglamchoh.

MUNGSHIKHÜN 119:43

I mün chingnü thiyuro yu düluakhin, tümüde nü yakzanbo ching inü I mulonglamlah.

MUNGSHIKHÜN 119:74

Sherünü nü ki wüntre jihchonü arünü I ngüchoki asühbah, tümütüsho nünü alokhikhi ching inü kinchoh.

MUNGSHIKHÜN 119:81

Nü akhümkhit thsungkheak I me keaksahchoh, tüshe inü nü yu ching kinchoh.

MUNGSHIKHÜN 71:14

Tüshe inü mutuklode mulonglambah, tüsho alü thsüde inü nü shijihbah.

ISAIA 62:6

Nü rhübo kheak, O Jirusalem, inü aheangrü zojihlah; nimungroro tüsho tsüngreroro arünü zhikde müla. Nüsa sherü Atungpuh ki lümkhitloshihbanü zhikde düla,

ROMRÜ KILIM PAULNÜ ATHRÜTKHI KIHÜM HUHTANYU 15:13

Mulonglam Thrünpuhnü api kinkhi chingnü nüsa asühachih tüsho mungtsünü mishang, junangde Amüsüh wu hode nüsa mulonglam suhdahde alabah.

1 PETER 1:13

Jumonü rhimopü thsungkheak nüsa lümkhi thsakhamang, nihbuh danyukang, Jisu Khrista amikheak akhiukchoki nüsa kilim amüthsüm arüpü lakhi kheak nüsa mulonglam alala zoang.

1 PETER 1:21

Apinü ashekhi chingnü arhang kamloshihbah müretah jihkhi api hode Thrünpuh kheak nüsa mulongram lah, junangde nüsa akin tüsho mulonglam Thrünpuh kheak lah.