MUNGSHIKHÜN 119:4 - AMÜSÜH HÜM CL Bible (BSI)

⁴ Nünü nü yakzan thiyuronü azoshihpü isa ki thiyukhüm jih.

MUNGSHIKHÜN 119:4 Iomraidhean Croise

EZRA 7:21

“Aniyüzahlim Euphrarü lomi ching sho-zhimrübo ki Ezra, amükeambuh tüsho yinmi Thrünpuh yakzan thrütakhinbuh kilim apinü akheangkhi alala jihang de thiyukhüm müküpde inü jihchoh,

ABEKHIT 7:6

Tüsho Mosa le Aron bünenü Atungpuhnü thiyukhüm jihkhi nangde rhimo.

JEREMIA 7:23

Tüshe ha yukhüm inü arü ki jihkheah, “ I düsheak aniang, tüsho I nüsa Thrünpuh thsübah, tüsho nüsa I mihtsürü thsübah; tüsho inü nüsa ki thiyukhüm jihkhi limro ching lang tsahang, junangde nüsa tsüde alabah.”

EZEKIEL 20:19

I Atungpuh nüsa Thrünpuh; I yakzan thsükhibo yanang tüsho I yakzanbo zopü kümkangang.

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

JOHAN 14:15

“Nüsanü I muzhosho, I yuzüngbo zoang.

JOHAN 14:21

Shepü I yuzüngbo la tüsho jurübo zochonü apinü I muzhochoh. Shepünü I muzhochonü I Buhnü amuzhobah, tüsho inü api muzhobah tüsho api ki I akhiuka huhbah.”

YUZÜNGTHALO 11:13

“Tüsho nüsanü khihni inü ajihkhi thiyukhümbo düshihde anide, nüsa mulong athrünkhinü tüsho me athrünkhinü Atungpuh nüsa Thrünpuh tankihsho,

YUZÜNGTHALO 11:22

“Tümüde nüsanü kümkangde arhimopü thsüde inü thiyukhüm jihkhi ha thiyukhümbo Atungpuh nüsa Thrünpuh muzhopü, api limro ching tsahpü tüsho api kheak chingkihde alapü mihyuanisho,

YUZÜNGTHALO 12:32

Inü tümüpürü nüsa ki thiyukhüm jihchonü ju rhimopü kümkangang; nüsanü ju ching düyukajak yungsho yihkhita she dübah.

YUZÜNGTHALO 30:16

khihni nüsa ki thiyukhüm jihkhi ching nünü Atungpuh nü Thrünpuh muzhosho, api limro ching tsahde api yukhümbo, yakzanbo, api yuzüngbo anisho, junangde nü rhangdung labah tüsho wüh bubah; tüsho Atungpuh nü Thrünpuhnü nünü müküh-a lupü lakhi lo ching nü müngühjihbah.

YUZÜNGTHALO 4:1

“O Israel, inü nüsa ki thsangyukhi yakzanbo tüsho thiyuzüngbo kheakü aniang, junangde nüsa rhangdung labah, tüsho Atungpuh nüsa bebuhrü Thrünpuhnü ajihkhi lo nüsanü yübah alubah.

YUZÜNGTHALO 4:9

Nüsa thsungkheaknü mük-yukde kümkangang, jude müthsüsho nüsa müknü angükhi mihabahbah, tüsho nüsa rhangdung lakhi amuyung nüsa mulong chingnü chamkhide atsobah. Tüsho jurübo nüsa tsührübo le tsühsoniusobo ki thsangyuang,

YUZÜNGTHALO 6:17

Nüsanü Atungpuh nüsa Thrünpuh yukhümbo, thiyumütsanbo, tüsho apinü nüsa ki thiyukhüm jihkhibo düshihde anide rhimoang.

YUZÜNGTHALO 6:3

Jumonü O Israel aniang, tüsho ha yande arhimopü kümkangang, junangde nüsa tsüde alabah, tüsho Atungpuh nüsa bebuhrü Thrünpuhnü nüsa ki thiyuchihchimkhi nangde niuhke tüsho mukhuke bukde alakhi lomi ching tode wüh bubah.

JIHUSUA 1:7

Judü lang reangzahang, mulong ato thsang; tüsho I yamlarü Mosanü ajihkhi yakzan alala anide arhimopü kümkangang. Ju chingnü tsülim yungsho huzulim danguh, ju hode küching küching yüyü she nünü akukbah.

1 JOHAN 5:3

Tümüde isanü api yuzüng anikhi ju Thrünpuh muzhokhi ah tüsho api yuzüng ju hahmülang yung.