MUNGSHIKHÜN 119:34 - AMÜSÜH HÜM CL Bible (BSI)

³⁴ I kilim anikhitpü jihang, tüsho inü nü yakzan zobah; atsütsü, inü ju I mulong athrünkhinü aleangkhibah.

MUNGSHIKHÜN 119:34 Iomraidhean Croise

1 KIUTHSÜYUKHEAN 22:12

Atungpuhnü lang nü kilim mükheahmudu tüsho lümlung jihshang, junangde apinü nü Israel kurungkheak limberü thsüshihchoki nünü Atungpuh nü Thrünpuh yakzan anibah.

JOB HU H T ANYU 28:28

Tüsho apinü mihtsürü ki tha, “Tsükjide, Atungpuh wüntrekhi ju lümlung ah; tüsho amütsü-rhimo chingnü achamkhipü ju anikhitkhi ah.”

MUNGSHIKHÜN 111:10

Atungpuh trekhi ju lümlung atankih ah; api yukhümbo rhimorü alala anikhitkhi atsü lah. Api shijihkhi lünnü rünkhiungde lah.

MUNGSHIKHÜN 119:10

I mulong athrünkhinü inü nü yimdo; O, I nü yukhümbo chingnü dakhinshih!

MUNGSHIKHÜN 119:100

Ashinbuhrübo kheaknü a I lümlung tode lah, tümütüsho inü nü yukhümbo anichoh.

MUNGSHIKHÜN 119:104

Nü yukhümbo hode inü anikhitkhi ngüchoh; jumonü inü arükchih limro alala thraneanlah.

MUNGSHIKHÜN 119:125

I nü yamlarü ah; I ki anikhitkhi jihang, junangde inü nü yakzan thsükhibo mükheahbah.

MUNGSHIKHÜN 119:130

Nü yubo thanakkhinü ayin jihchoh; hanü makharü kilim lümlung jihchoh.

MUNGSHIKHÜN 119:144

Nü yakzan thsükhibo thiyuro-lungki ju akheam müla; I ki anikhitkhi jihang, tüsho I alabah.

MUNGSHIKHÜN 119:169

Inü azhikhi nü miki arüshang, O Atungpuh ; nü yu yande I kilim anikhitkhi jihang.

MUNGSHIKHÜN 119:2

Shepü api yukhümbo zocho, shepü mulong athrünkhinü api yimchonü müngühmühi!

MUNGSHIKHÜN 119:58

Inü I mulong athrünkhinü nü muzho dünkheak mushu; nü yu yande I ki müthsümang.

MUNGSHIKHÜN 119:66

I ki mahkhap atsü tüsho mükheahmudu thsangyuang, tümüde inü nü yukhümbo ching kinchoh.

MUNGSHIKHÜN 119:69

Kükheangküyang mihtsürübonü I dünkheak akeangyu thado, tüshe I mulong athrünkhinü inü nü yukhümbo anichoh.

MUNGSHIKHÜN 119:73

Nü khahbonü I thsü, tüsho nungnükhit; I ki anikhitpü jihang, junangde inü nü yakzanbo anikhitbah.

MUNGSHIKHÜN 39:2

Inü tümükhüh atsü dünkheak she thiyu müthade zhikde la! Tüshe I thsünü phünahde kam.

MATHI 5:19

Shepünü harü thiyukhüm bolung aninibe thsümünimcho, tüsho jude athsüpü püpürü ki thsangyuchonü yinmi kiulongthsü ching aninibe de ajibah, tüshe shepünü rhimocho tüsho harü yukhümbo thsangyuchonü yinmi kiulongthsü ching atobe de ajibah.

MATHI 7:24

“Jumonü sherünü I yu harü sobah anide rhimochonü lung kheak api yam thsükhi nangde lah.

JOHAN 7:17

Khürünü api lümkhi rhimopü mulongsho kingaün-yakzan ju Thrünpuh kilimnü a shi I thiyukhüm-sühmühnü asukchonü amükheahbah.

YUZÜNGTHALO 4:6

Jumonü jurübo anipü kümkangang: tümüde mihtsürübo mük ki ha nüsa lümlung tüsho mükheahmudu, harü sobah mihtsürübonü athabah, Tsükjide ha trükshih ato ha lümlung tüsho mükheahmudurü mihtsürübo ah!

JAKOB 1:25

Tüshe shepünü athülünkhi yakzan, zuzu yakzan, tüsho aroride arhimopü ching kheahde, soa lakhi mümihde rhimochonü anihbuh rhimokhi ching api müngühmühibah.

JAKOB 1:5

Tüsho nüsa khürü lümlung mülasho, müsüngde alala kilim salade ajihbuh Thrünpuh ki kheangang, tüsho ju nü kilim jihbah.

JAKOB 4:11

Keoniorübo, khülangnü khülang azhihde amütsü düthaachih. Shepünü keoniorü azhihde amütsü asukcho yungsho keoniorü yukhapchonü yakzan azhihde amütsü asukchoh tüsho yakzan yukhapchoh. Tüshe nünü yakzan yukhapsho, nü a yakzan yande arhimorü yung tüshe thiyukhaprü ah.