MUNGSHIKHÜN 119:26 - AMÜSÜH HÜM CL Bible (BSI)

²⁶ Inü I limrobo khipkhit, tüsho nünü I ki alojih; I ki nü yakzan thsükhibo thsangyuang.

MUNGSHIKHÜN 119:26 Iomraidhean Croise

1 KIULONG THSÜRÜ 19:10

Apinü alo, “Wuto Thrünpuh, Atungpuh thsungkheak I khide künsahde alakheah; tümüde Israelrünü nünü tangzüngkhi bahyukbah nü kingaün sadam lukkheamdo, tüsho nü yo wukihrübo nukshangnü laksahkhamdo. I lang aninga lah, tüsho arünü I laksahpü yimchoh.”

1 KIULONG THSÜRÜ 8:36

judüki yinmi chingnü sojang, tüsho nünü arünü atsahpü limro atsü arü ki thsangyuchoki, nü yamlarübo, nü mihtsürü Israel neak bahjang; tüsho nünü nü mihtsürü kilim yamrüplurüp jihkhi nü lo kheak tsüng arüshang.

2 KIULONG THSÜRÜ 20:3

“O Atungpuh , inü nü ki zhoshechoh, inü thiyuronü nü miki mulong shuhmülanga jihde atsahkhi tüsho alungki rhimokhi kheakü lümkhitjang.” Hezekianü düsüknimde trip.

2 KIULONG THSÜRÜ 20:5

“Rholoang, tüsho I mihtsürü yakzanshuhbuh Hezekia ki thaang, Nü pü David Thrünpuh, Atungpuhnü ha thachoh: Inü nü tamkhüntamnükhi sodo, inü nü chike ngüdo; atsütsü, inü nü thsüngubah; nimung asam nipü nü Atungpuh yam ching wutubah.

MUNGSHIKHÜN 119:106

Inü nü thiyuro-lungki mahkhapbo zopü thiyuchihchimdo tüsho adüngakhi thsüdo.

MUNGSHIKHÜN 119:12

Nü a müngühmühi ah, O Atungpuh ! Nü yakzan thsükhibo I ki thsangyuang.

MUNGSHIKHÜN 25:4

I ki nü limro mükheahshang, O Atungpuh ; I ki nü limrobo thsangyuang.

MUNGSHIKHÜN 27:11

I ki nü limro thsangyuang, O Atungpuh ; I riribo hihlale I limro amukhiung ching beang.

MUNGSHIKHÜN 32:5

Judüki inü nü ki I neak kheang; inü amülim rhimokhibo müram. Inü jurü nü ki thakhitpü pungkhi, tüsho nünü I neak alala bahjih.

MUNGSHIKHÜN 38:18

Tümüde inü I mülimkhi thakhitbah; inü I neak dünkheak thsünübah.

MUNGSHIKHÜN 86:11

I ki nü limro thsangyuang, O Atungpuh ; inü nü thiyuro ching tsahbah; nü mung trepü thsüde I mulong arihshang.

MÜCHITMUDU 28:13

Shepünü nihbuh neakbo ramchonü akuk müngüchoh, tüshe shepünü jurü alokhiabahcho tüsho bahyukchonü mihmüthsüm labah.