MUNGSHIKHÜN 119:2 - AMÜSÜH HÜM CL Bible (BSI)

² Shepü api yukhümbo zocho, shepü mulong athrünkhinü api yimchonü müngühmühi!

MUNGSHIKHÜN 119:2 Iomraidhean Croise

1 KIULONG THSÜRÜ 2:3

tüsho Mosa yakzan ching thrüta lakhi nangde api limrobo ching tsahde, api yakzanbo, api yukhümbo, api yuzüngbo tüsho api thiyumütsanbo anide Atungpuh nü Thrünpuhnü thiyukhüm jihkhibo zoang, junangde nünü arhimokhi alala ching tüsho nü yüpungbo ching akuk ngübah.

1 KIUTHSÜYUKHEAN 22:19

Kheakü nüsa lümkhi tüsho mulong Atungpuh nüsa Thrünpuh yimpü zoang. Junangde Atungpuh Thrünpuh arüngyam thsümusuang, tüsho Atungpuh tangzüng sangdan tüsho Thrünpuh yo amüsüh kukrukbo Atungpuh mung ching thsükhi yam ching hande yüzahbah.”

2 KIUTHSÜYUKHEAN 31:21

Apinü Thrünpuh yam ching tankih rhimo aban tüsho api Thrünpuh yimpü yakzan tüsho thiyukhümbo yankhi ching, apinü mulong alalanü rhimo; tüsho apinü akuk ngü.

MUNGSHIKHÜN 105:45

junangde arünü api yakzan thsükhibo tüsho api yakzan anipü lakheah. Atungpuh shiang!

MUNGSHIKHÜN 119:10

I mulong athrünkhinü inü nü yimdo; O, I nü yukhümbo chingnü dakhinshih!

MUNGSHIKHÜN 119:101

Inü amütsü rhimo alala bahkhido, tümütüsho inü nü yu aninelah.

MUNGSHIKHÜN 119:115

I kheaknü chamkhiang, nüsa amütsü rhimorübo, tümüde inü I Thrünpuh yukhüm zobah!

MUNGSHIKHÜN 119:146

Inü nü ki zhichoh; I khümkhitang tüsho inü nü yakzan thsükhibo zobah.

MUNGSHIKHÜN 119:17

Nü yamlarü ki tsüde rhimoang, junangde I rhangdung labah tüsho nü yu anibah.

MUNGSHIKHÜN 119:22

I kheaknü mükhemükim tüsho abahyukpü yihkhita bahjang, tümüde inü nü yukhümbo zodo.

MUNGSHIKHÜN 119:33

O Atungpuh , nü yakzanbo amütsan I ki thsangyuang, tüsho inü ju akheam khiungde azobah.

MUNGSHIKHÜN 119:34

I kilim anikhitpü jihang, tüsho inü nü yakzan zobah; atsütsü, inü ju I mulong athrünkhinü aleangkhibah.

MUNGSHIKHÜN 119:57

Nü a I shihcham ah, O Atungpuh ; inü nü yakzanbo anipü alokhichoh.

MUNGSHIKHÜN 119:69

Kükheangküyang mihtsürübonü I dünkheak akeangyu thado, tüshe I mulong athrünkhinü inü nü yukhümbo anichoh.

MUNGSHIKHÜN 119:88

Nü amuzho ayannü I thsüphulojang, junangde inü nü mün ching yo yakzan anibah.

MUNGSHIKHÜN 25:10

Api tangzüng tüsho yukhümbo anirü alala apinü thiyuro tüsho amüthsümnü bechoh.

MÜCHITMUDU 23:26

I tsah-a, nü mulong I kilim jihang tüsho nü mükbo I limrobo lim zoang,

JEREMIA 29:13

Nüsanü küyimki I yimbanü, nüsanü I ngübah; nüsanü nüsa mulong athrünkhinü I yimsho,

EZEKIEL 36:27

Inü I me nü kheak yukjihbah, tüsho I yakzan thsükhibo ching tsahbah tüsho I yuzüngbo rhimopü kümkangshihbah.

JOHAN 14:23

Jisunü api ki alo, “Khürünü I muzhosho, apinü I yu zobah; I Buhnü api muzhobah, tüsho ike api kilim arübah tüsho api lung ike yam thsübah.

YUZÜNGTHALO 4:29

Tüshe ju ching Atungpuh nüsa Thrünpuh nüsanü ayimbah, tüsho nüsanü mulong tüsho me athrünkhinü api yimsho angübah.

YUZÜNGTHALO 6:17

Nüsanü Atungpuh nüsa Thrünpuh yukhümbo, thiyumütsanbo, tüsho apinü nüsa ki thiyukhüm jihkhibo düshihde anide rhimoang.

YUZÜNGTHALO 6:5

Nü mulong athrünkhinü, nü me athrünkhinü, tüsho nü sühmüh athrünkhinü Atungpuh nü Thrünpuh muzhoang.

1 JOHAN 3:20

Küyimki isa mulongnü isa bahyukbanü, Thrünpuh ju isa mulong kheaknü atobe ah de isanü mükheahchoh, tüsho apinü lüpdükhi mükheahlah.