MUNGSHIKHÜN 119:144 - AMÜSÜH HÜM CL Bible (BSI)

¹⁴⁴ Nü yakzan thsükhibo thiyuro-lungki ju akheam müla; I ki anikhitkhi jihang, tüsho I alabah.

MUNGSHIKHÜN 119:144 Iomraidhean Croise

MUNGSHIKHÜN 119:138

Nünü thiyukhüm jihkhi nü yakzan thsükhibo thiyuro-lungki tüsho khide athülünkhi lah.

MUNGSHIKHÜN 119:151

Nü thüninde lah, O Atungpuh , tüsho nü yukhümbo alala thiyuro ah.

MUNGSHIKHÜN 119:152

Inü nü yakzan thsükhibo dünkheak adüsonü mükheahdo; nünü jurü lünnü alapü thsüjih.

MUNGSHIKHÜN 119:169

Inü azhikhi nü miki arüshang, O Atungpuh ; nü yu yande I kilim anikhitkhi jihang.

MUNGSHIKHÜN 119:17

Nü yamlarü ki tsüde rhimoang, junangde I rhangdung labah tüsho nü yu anibah.

MUNGSHIKHÜN 119:34

I kilim anikhitpü jihang, tüsho inü nü yakzan zobah; atsütsü, inü ju I mulong athrünkhinü aleangkhibah.

MUNGSHIKHÜN 119:66

I ki mahkhap atsü tüsho mükheahmudu thsangyuang, tümüde inü nü yukhümbo ching kinchoh.

MUNGSHIKHÜN 119:73

Nü khahbonü I thsü, tüsho nungnükhit; I ki anikhitpü jihang, junangde inü nü yakzanbo anikhitbah.

MUNGSHIKHÜN 19:9

Atungpuh trekhi ju atsangkhit, lünnü lah; Atungpuh mahkhapkhibo ju alungki, tüsho thiyuro-lungki ah.

MÜCHITMUDU 10:21

Thiyuro-lungkirü yubonü ahihdo kilim alü thsüshihchoh, tüshe makharü a lümlung mülakhinü shechoh.

MÜCHITMUDU 4:4

apinü I ki thsangyu tüsho tha: “Nü mulongnü I yubo zoang; I yukhümbo zoang tüsho laang.

MÜCHITMUDU 7:2

I yukhümbo zoang tüsho laang, tüsho I yakzan ju nü mükji sangaso nangde zoang.

ISAIA 27:11

Küyimki akhahbo muwubanü azoberübonü arübah atakpü yihchoh. Tümüde ha anikhitkhi mülakhi mihtsürü ah; jumonü arü Thrünrünü arü kheak amuzho müla, yungsho arü ki mihmüthsüm muhuh.

JEREMIA 4:22

“Tümüde I mihtsürübo makhaa lah, arünü I mümükheah; arü azhazha tsührübo ah, arü anikhitkhi müla. Amütsü rhimopü ching arü yuklah, tüshe atsü rhimopü mümükheah.”

DANIEL 12:10

Ahihkhüh tsangkhitbah, müsühkhitbah, tüsho changkhitbah, tüshe mihbukmuyuknü mutukzhakde mihbukmuyuk rhimobah. Mihbukmuyuk shenü she manikhit, tüshe lümlung larünü anikhitbah.

HOSEA 4:6

I mihtsürübo mükheahmudu mülakhinü dükheaka lah; tümütüsho nünü mükheahmudu bahyuk, inü nü I ki amükeamrü thsüpü chingnü bahyukchoh. Tüsho nünü nü Thrünpuh yakzan mihkhinü, inü she nü tsührübo mihbah.

MATHI 13:19

Küyimki khürünü kiulongthsü yu sobah ju manikhitba, Amütsü Khülang arübah api mulong ching hiua lakhi ju jangkhide tsochoh. Müjih limmungyean hiukhi ju api ah.

MATHI 5:18

Inü nüsa ki thiyuro thachoh, thüning tüsho alomi la khiungde, yakzan ching lakhi thiyuji aninibe yungsho athrütkhi aninibe ju müdünjiyikia müdükheak.

JOHAN 17:3

Tüsho ha lün rhangdung ah, junangde arünü nü ju lang thiyuro, Thrünpuh, tüsho nünü athiyikhi Jisu Khrista mükheahbah.

2 KORINT 4:6

Tümüde Thrünpuh, shepünü “Amiting chingnü ayin tahshang,” de athakheanü, Khrista miro ki Thrünpuh müretah mükheahmudu ayin isa kilim jihpü isa mulongbo ching api ayin tah.