MUNGSHIKHÜN 119:112 - AMÜSÜH HÜM CL Bible (BSI)

¹¹² Inü lünnü akheam khiungde nü yakzan thsükhi rhimopü I mulong rholodo.

MUNGSHIKHÜN 119:112 Iomraidhean Croise

1 KIULONG THSÜRÜ 8:58

tüshe api limrobo alala ching tsahpü tüsho isa jipürü ki thiyukhüm jihkhi api yukhümbo, api yakzanbo, tüsho yuzüngbo zopü isa mulong api kilim anguhanü.

2 KIUTHSÜYUKHEAN 19:3

Judüalalashe, atsü khürü nü kheak ngüdo, tümüde nünü Ashera thrünbebo lomi chingnü thsümünimabah, tüsho Thrünpuh yimpü nü mulong zo.”

EZRA 7:10

Tümüde Ezranü Atungpuh yakzan yimde arhimopü tüsho api yakzan le thiyuzüngbo Israelrü ki thsangyupü mulongkhit.

MUNGSHIKHÜN 119:33

O Atungpuh , nü yakzanbo amütsan I ki thsangyuang, tüsho inü ju akheam khiungde azobah.

MUNGSHIKHÜN 119:36

Nü yakzan thsükhibo lim I mulong rholoshang tüsho mükhütmüra alü thsükhi lim yung.

MUNGSHIKHÜN 119:44

Inü kamruhroro nü yakzan anibah, lünnü lün thsungkheak.

MUNGSHIKHÜN 141:4

Amütsü rhimorünü mihbukmuyuk rhimokhi ching berungshihpü thsüde amütsü lim I mulong danguhshih; inü arü jimpung dütsühshih.

MUNGSHIKHÜN 18:22

Tümüde api yuzüngbo alala I miki lakheah, tüsho api yakzan thsükhibo chingnü murholo.

MÜCHITMUDU 2:2

junangde lümlung lim nü nükhün muphosho, tüsho anikhitkhi lim nü mulong lasho;

FILIPI 2:13

tümüde amulongpü tüsho api lümkhi atsü rhimopü nü kheak rhimokhi ju Thrünpuh ah.

JIHUSUA 24:23

Apinü tha, “Dale tüsho nüsa bolung lakhi khiungkerü thrünpuhbo bahyukang, tüsho Atungpuh Israel Thrünpuh kheak nüsa mulong jihang.”

1 PETER 1:13

Jumonü rhimopü thsungkheak nüsa lümkhi thsakhamang, nihbuh danyukang, Jisu Khrista amikheak akhiukchoki nüsa kilim amüthsüm arüpü lakhi kheak nüsa mulonglam alala zoang.

AMIKHEAKAKHIUKKHI 2:10

Nü thsünüpü lakhi dünkheak dütre. Inü nü ki thachoh, arimrinü nüsa khürü rükakipü rihyam ching yukbah, tüsho nüsa thsümüchikhi nimung thürü rünkhitbah. Ashepü she khiungde thiyuro laang, tüsho inü nü kilim rhangdung kuthran jihbah.