MUNGSHIKHÜN 119:11 - AMÜSÜH HÜM CL Bible (BSI)

¹¹ Inü nü yu I mulong ching ramlah, junangde inü nü azhihde neak müyihbeak.

MUNGSHIKHÜN 119:11 Iomraidhean Croise

JOB HU H T ANYU 22:22

Api mün chingnü thsangdankhi leangkhiang, tüsho api yubo nü mulong ching zoang.

MUNGSHIKHÜN 1:2

tüshe Atungpuh yakzan ching api asühkhi lah, tüsho azhing ayin api yakzan khechoh.

MUNGSHIKHÜN 119:97

Küdükhüh inü nü yakzan muzhola! Inü ha dünkheak nimung amuyung lümchoh.

MUNGSHIKHÜN 19:13

Lülüshishide alümkhi neakbo chingnü nü yamlarü küma zoang; arünü I kurungkheak yakzan düshuhshih. Judüki I ahühmüdam tüsho tode alakmihkhi mülade alabah.

MUNGSHIKHÜN 37:31

Anihbuh Thrünpuh yakzan api mulong ching lah; api jingdükübo mülih.

MUNGSHIKHÜN 40:8

Inü nü lümkhi ching asühchoh, O I Thrünpuh, tüsho nü yakzan I mulong ching lah.”

MÜCHITMUDU 2:1

I tsah-a nünü I yubo leangkhisho, tüsho I yukhümbo nü kheak lashihsho,

ISAIA 51:7

Nüsa sherü thiyuro-lungki mükheahlanü, nüsa mihtsürü sherü mulong ching I thsangyukhi lanü I ki aniang; püpürünü mükhemürangkhi dütre, tüsho arünü nü mükthsüchoki mulong dünini.

JEREMIA 15:16

Nü yubo ngüdo, tüsho inü tsüh, tüsho nü yubo I asühkhi kam tüsho I mulong asühkhi kam; tümüde nü mung chingnü I jia lah, O Atungpuh , Wuto Thrünpuh.

LUKNÜ ATHRÜTKHI THIYUSHEAK-ATSÜ HUHTANYU 2:19

Tüshe Marinü harü alala anihbe mulong ching lümakheahde la.

LUKNÜ ATHRÜTKHI THIYUSHEAK-ATSÜ HUHTANYU 2:51

Tüsho apinü arü lung Nazareth lim alode yü, tüsho arü ki mihyuanide alakheah; tüsho abenü harü alala mulong ching zo.

KOLOSI 3:16

Khrista yusheaknü lümlung alala ching, khülangnü khülang thsangyude tüsho thsangdanachihde nüsa kheak suhdahde lashang, tüsho nüsa mulong ching Thrünpuh kilim makshe jihde mungshikhünbo, khünbo tüsho me khünbo thsang.