MUNGSHIKHÜN 119:104 - AMÜSÜH HÜM CL Bible (BSI)

¹⁰⁴ Nü yukhümbo hode inü anikhitkhi ngüchoh; jumonü inü arükchih limro alala thraneanlah.

MUNGSHIKHÜN 119:104 Iomraidhean Croise

JOB HU H T ANYU 32:9

Azorü thsümonü lümlung larü yung, yungsho ashinbuhrü thsümonü alungki anikhitchoh yung.

MUNGSHIKHÜN 101:3

Inü I mükbo ki mihbukmuyuk tümü muzo; akin mülarü rhimo inü thraneanlah; junü I kheak mükapkih.

MUNGSHIKHÜN 119:100

Ashinbuhrübo kheaknü a I lümlung tode lah, tümütüsho inü nü yukhümbo anichoh.

MUNGSHIKHÜN 119:128

Jumonü lüpdükhi thsungkheak nü yukhüm alala alungki de inü lümchoh; amülim limro alala inü thraneanlah.

MUNGSHIKHÜN 119:163

Inü akeangyu thraneanlah, tüshe inü nü yakzan muzholah.

MUNGSHIKHÜN 119:34

I kilim anikhitpü jihang, tüsho inü nü yakzan zobah; atsütsü, inü ju I mulong athrünkhinü aleangkhibah.

MUNGSHIKHÜN 119:98

Kim alala ching nü yukhüm I lung lah tüsho I riribo kheaknü I lümlung labe kamshihchoh.

MUNGSHIKHÜN 36:4

Api yapkiu ching yapde alachoki amütsü lümkhi asahchoh; tüsho apinü arhimokhi tümü she atsü müla, tüsho apinü küyimkishe amütsü mübahyuk.

MUNGSHIKHÜN 97:10

Nüsa sherünü Atungpuh muzholanü, amütsü thraneanang! Apinü api yo amüsührü mebo kümchoh; apinü mihbukmuyuk khah chingnü arü bekhitchoh.

MÜCHITMUDU 14:12

Mihtsürü ki limro khülang alungki nangde lah, tüshe ha akheam ju ashekhi lah.

MÜCHITMUDU 8:13

Atungpuh trekhi ju amütsü thraneanpü ah; lülüshishi le akükheang tüsho amütsü limro le mülapmüji mün inü thraneanlah.

AMOS 5:15

Amütsü thraneanang tüsho atsü muzhoang, tüsho chipimurung ching thiyuro lashang; khükijua Atungpuh , Wuto Thrünpuhnü ha trükshih mihtsürü aningkhi kheak müthsümbah.

MATHI 7:13

“Chipimurung amütsümbe chingnü yüzahang; tümüde chipimurung aküngküng tüsho amülih ju adükheakbe lim bekhi lah tüsho ju chingnü ayüzahrü hihlah.

ROMRÜ KILIM PAULNÜ ATHRÜTKHI KIHÜM HUHTANYU 12:9

Amuzho ju thiyuro lashang; tümü amütsüanü thraneanang, tümü atsüanü düngde ramrihang;