MUNGSHIKHÜN 119:10 - AMÜSÜH HÜM CL Bible (BSI)

¹⁰ I mulong athrünkhinü inü nü yimdo; O, I nü yukhümbo chingnü dakhinshih!

MUNGSHIKHÜN 119:10 Iomraidhean Croise

2 KIUTHSÜYUKHEAN 15:15

Juda alalanü thiyuchihchimkhi ching asühachih; tümüde arü mulong athrünkhinü thiyuchihchim, tüsho arü me alalanü api yim, tüsho arünü api ngü, tüsho Atungpuhnü alala mükamde arü kilim sühakhim jih.

MUNGSHIKHÜN 119:118

Nünü nü yakzan thsükhibo chingnü atsorü alala bahyukchoh, tümüde arü mülapmüji ju arükchih ah.

MUNGSHIKHÜN 119:133

Nü yu yande I jingdükü huhang, amülim tümünü I kurungkheak yakzan düshuhshih.

MUNGSHIKHÜN 119:176

I adükheakkhi namfimihnu nangde tsokhido; nü yamlarü yimang, tümüde inü nü yukhümbo mümih.

MUNGSHIKHÜN 119:2

Shepü api yukhümbo zocho, shepü mulong athrünkhinü api yimchonü müngühmühi!

MUNGSHIKHÜN 119:21

Muthrumüneana larü tüsho nü yukhümbo chingnü atsokhirü, kükheangküyangrü nünü thürühchoh.

MUNGSHIKHÜN 119:34

I kilim anikhitpü jihang, tüsho inü nü yakzan zobah; atsütsü, inü ju I mulong athrünkhinü aleangkhibah.

MUNGSHIKHÜN 119:58

Inü I mulong athrünkhinü nü muzho dünkheak mushu; nü yu yande I ki müthsümang.

MUNGSHIKHÜN 119:69

Kükheangküyang mihtsürübonü I dünkheak akeangyu thado, tüshe I mulong athrünkhinü inü nü yukhümbo anichoh.

MUNGSHIKHÜN 125:5

Tüshe sherü akhürang limrobo lim rholode tsochonü Atungpuhnü amülim rhimorü lung yana bahbah. Israel kheak mungtsü lashang!

MUNGSHIKHÜN 23:3

Apinü I sühmüh aso jihchoh; apinü alokhikhi nangde thiyuro-lungki limro ching I bechoh.

MUNGSHIKHÜN 78:37

tümüde arü mulong api ki müdüküng, yungsho api ki tangzüngkhi ching thiyuro müla.

MÜCHITMUDU 2:13

amiting limrobo ching tsahpü alungki limro bahkhirü kheaknü;

MÜCHITMUDU 21:16

Mihtsürü shepü anikhitkhi limro chingnü rümde tsahchonü asherü bolung sühakhimbah.

ISAIA 35:8

Ju ching limto khülang labah tüsho ju Amüsüh Limro de ajibah; mümüsühkhinü ju kheak mütsah, tüshe ha Thrünpuh mihtsürü thsungkheak labah; hantsahrü, makharünü she mütsahmih.

JEREMIA 3:10

Tütüshe dükde mülakhi anihbe achi Judanü mulong athrünkhinü I kilim malodarü, tüshe rüklimnü lang ah, Atungpuhnü thachoh.

EZEKIEL 34:6

I yo namfimihnubo hiumüzütabah, arübo müzüngbo tüsho awung achang alala kheak rümde tsah; I yo namfimihnubo shenü müyimde yungsho arü thsungkheak majuakheahde alomi alala kheak hiumüzüt.

HOSEA 10:2

Arü mulong amülim lah; kheakü arünü mülimkhi hanbeah. Atungpuhnü arü kingaün sadambo lukkheambah, tüsho arü dungjingbo thsümünimbah.

MATHI 6:24

“Shenü she aputungrü mahne mütankihkhuk; tümüde apinü khülang athraneanbah tüsho püpü amuzhobah, yungsho apinü khülang ki thiyuro labah tüsho püpü ki mükhemükimbah. Nüsanü Thrünpuh tüsho lakhit chido mütankihkhuk.

KOLOSI 3:22

Yamlarübo, lüpdükhi ching nü yo aputungrübo ki mihyuaniang; arünü nü kheahde alachoki tüsho arünü amuzhoshihpü lang yung, tüshe mulong jihde tüsho Atungpuh wüntrede ju rhimoang.

1 JOHAN 2:15

Alomi yungsho alomi ching lakhi kukrukbo dümuzho. Khürünü alomi muzhosho, Abuh muzhokhi api kheak müla.

1 SAMUEL 7:3

Judüki Samuelnü Israel yamkhün alala ki tha, “Nüsa mulong athrünkhinü nüsa Atungpuh kilim rholochosho, dale khiungkerü thrünpuhbo tüsho Astar sangthsübo dükheabahang. Nüsa mulong A TUN GPU H kilim anguhang, tüsho api lang tankihang, tüsho nüsa Filistiarü khah chingnü abekhitbah.”