MUNGSHIKHÜN 119:1 - AMÜSÜH HÜM CL Bible (BSI)

¹ Shepü limro areak mükihde la, shepü Atungpuh yakzan ching tsahchonü müngühmühi!

MUNGSHIKHÜN 119:1 Iomraidhean Croise

2 SAMUEL 22:22

Tümüde inü Atungpuh yakzanbo ani, tüsho mihbukmuyuk rhimode I Thrünpuh kheaknü müchamachih.

2 KIULONG THSÜRÜ 20:3

“O Atungpuh , inü nü ki zhoshechoh, inü thiyuronü nü miki mulong shuhmülanga jihde atsahkhi tüsho alungki rhimokhi kheakü lümkhitjang.” Hezekianü düsüknimde trip.

JOB HU H T ANYU 1:1

Mihtsürü khülang Uz lomi ching amung Job de alakheah. Api ju mungchih mülarü tüsho alungki, Thrünpuh wüntrerü tüsho amütsü chingnü tsokhide alakheah.

JOB HU H T ANYU 1:8

Atungpuhnü Arimri ki tha, “Nünü I yamlarü Job mükheahkhitnah? Alomi kheak api nangde she müla, mungchih müla, Thrünpuh wüntrekhi tüsho alungki mihtsürü tüsho amütsü chingnü bahkhichoh.”

MUNGSHIKHÜN 101:2

Inü khiukdahkhi limro ching lümlung lade yakli huhbah. O, nü küyimki I kilim arüba? Inü I mulong khiukdahkhinü I yam ching tsahbah.

MUNGSHIKHÜN 101:6

I mükjibo ju lomi ching thiyuro larü kheak labah, junangde arü I lung labah; shepü athülünkhi limro tsahchonü apinü I tankihbah.

MUNGSHIKHÜN 112:1

Atungpuh shiang! Mihtsürü shepünü Atungpuh trecho, shepünü api yukhümbo ching tode asühchonü müngühmühi.

MUNGSHIKHÜN 128:1

Shepünü Atungpuh trecho, shepünü api limrobo ching tsahchonü müngühmühi.

MÜCHITMUDU 11:20

Sherü mulong amütsü lanü Atungpuh kilim athraneanbe lah, tüshe mungchih mülarü limrobo ching api asühpü lah.

MÜCHITMUDU 13:6

Thiyuro-lungkinü amülim mülarü tsungdochoh, tüshe mihbukmuyuk ju aneakrübo keamshihpü lah.

MÜCHITMUDU 29:18

Küching müchitkhi mülabanü mihtsürü dungmihchoh, tüshe shepünü yakzan zochonü müngühmühi.

EZEKIEL 11:20

Jushu arünü I yakzan thsükhibo yanbah tüsho I yakzanbo zopü kümkangbah. Arü ju I mihtsürü thsübah, tüsho I ju arü Thrünpuh thsübah.

HOSEA 14:9

Sherü lümlung lanü harü anikhitchoh; sherünü kheahkhitlanü jurü mükheahlah. Tümüde Atungpuh limrobo ju alungki, tüsho thiyurolungkirünü jurü ching tsahchoh, tüshe alakmihrünü jurü ching jing mükhechoh.

LUKNÜ ATHRÜTKHI THIYUSHEAK-ATSÜ HUHTANYU 1:6

Ane chido Thrünpuh miki alungki, Atungpuh yukhüm tüsho thiyuzüngbo yande jakreak mükihde alakheah.

LUKNÜ ATHRÜTKHI THIYUSHEAK-ATSÜ HUHTANYU 11:28

Tüshe apinü tha, “Ju kheaknü alü, sherünü Thrünpuh yu anichonü arü asühpü!”

JOHAN 1:47

Jisunü Nathanael api kilim arüde ngü, tüsho api dünkheak tha, “Kheahang, amülim mülakhi thiyuro Israelrü!”

JOHAN 13:17

Nüsanü harü mükheahde rhimosho nüsa asühpü.

YUNIRÜBO RHIMO 24:16

Junangde inü Thrünpuh tüsho mihtsürü kilim lümkhi müsühde alapü kamruhroro mürangchoh.

2 KORINT 1:12

Tümüde isa kükheangkhi ju ha: isanü alomi ching tüsho nüsa miki, amüsühkhinü tüsho kinde kurhangkhinü, alomi lümlungnü yung tüshe Thrünpuh amüthsüm hode yakli huhdo de isa lümkhinü thiyumütsan lah.

JAKOB 1:25

Tüshe shepünü athülünkhi yakzan, zuzu yakzan, tüsho aroride arhimopü ching kheahde, soa lakhi mümihde rhimochonü anihbuh rhimokhi ching api müngühmühibah.

AMIKHEAKAKHIUKKHI 22:14

Arünü rhangdung sangdung ki alim lapü tüsho ripitbo hode kiuto ching yüzahpü thsüde sherü shulünkhimbo müsühchonü müngühmühi.