MUNGSHIKHÜN 118:7 - AMÜSÜH HÜM CL Bible (BSI)

⁷ I rungrü bolung Atungpuh ju I thsungkheak lah; jumonü inü I thraneanrü kheak I künkhi kheahbah.

MUNGSHIKHÜN 118:7 Iomraidhean Croise

1 KIUTHSÜYUKHEAN 12:18

Judüki samrü yo akubeatobuh Amasai kheak me arü, tüsho apinü tha, “Isa nü yo, O David; tüsho nü lung lah, O Jesse tsührü! Mungtsü, nü kilim mungtsü, tüsho nü rungrü kilim mungtsü! Tümüde nü Thrünpuh ju nü rungbuh.” Judüki Davidnü arübo leangkhi, tüsho api bonungrü torübo kamshih.

MUNGSHIKHÜN 112:8

Api mulong murozhak yungsho mütre; api riribo kukkhi ngüpü lungdode lah.

MUNGSHIKHÜN 54:4

Kheahang, Thrünpuh ju I rungrü ah; Atungpuh ju I rhangdung tsunglorü ah.

MUNGSHIKHÜN 54:6

Inü zuzu thsüde nü kilim shuhmülanga jihbah; inü nü mung shibah O Atungpuh , tümüde ha tsülah.

MUNGSHIKHÜN 54:7

Tümüde apinü I küpkhuk alala chingnü bekhit; tüsho I riribo kukkhi I müknü ngüdo.

MUNGSHIKHÜN 55:18

I azhihde keochihkhi chingnü apinü I me mungtsü chingnü rhokhit, tümüde I azhihde ahihdo lakheah.

MUNGSHIKHÜN 59:10

I Thrünpuhnü api muzhodakkhi ching I shorubah; I Thrünpuhnü I riri kheak akuk ngükhi kheahshihbah.

MUNGSHIKHÜN 59:11

Arübo dülaksah, jude yungsho I mihtsürünü amihbah; nü wunü arü müzütshang, tüsho arü bekhiang, O Atungpuh isa tsung.

MUNGSHIKHÜN 92:11

I müknü inü I riribo kheak künkhi ngüdo; I nükhünbonü inü I azhihrü mihbukmuyuk kheak künkhi sodo.

ISAIA 41:13

Tümüde, I, Atungpuh nü Thrünpuh, nü khah tsülim ramlolah; inü nü ki thachoh, “Dütre, inü nü rungbah.”