MUNGSHIKHÜN 118:15 - AMÜSÜH HÜM CL Bible (BSI)

¹⁵ Asühachih tüsho akhümkhit düsheak thiyuro-lungkirü khimyambo ching lah; Atungpuh khah tsülimnü müzhakde rhimochoh.

MUNGSHIKHÜN 118:15 Iomraidhean Croise

MUNGSHIKHÜN 111:2

Atungpuh rhimobo ju ato ah, jurü ching asührü alalanü lümakheahdo.

MUNGSHIKHÜN 119:111

Nü yukhümbo ju lünnü yamrüplurüp thsüde inü ludo, tümüde jurübo I mulong asühbe lah.

MUNGSHIKHÜN 119:54

I amüsüh-hantsah yam ching nü yakzan thsükhibo ju I khünbo lakheah.

MUNGSHIKHÜN 32:11

Nüsa thiyuro-lungkirü, Atungpuh lung asühang tüsho asühachihang; nüsa mulong ching alungki larü asühde zhiang!

MUNGSHIKHÜN 44:3

Arü nukshangnü lomi kukkhi yung, yungsho arü binnü akuk angükhi yung; ha nü khah tsülim, nü bin tüsho nü miro ayin, tümüde nünü arü muzho.

MUNGSHIKHÜN 45:4

Thiyuro tüsho alungki tsunglopü thsungkheak akukkhi lim beang; nü sühmühnü akuk ato ngübah!

MUNGSHIKHÜN 5:12

Tümüde nünü thiyuro-lungki müngühjihchoh, O Atungpuh ; tsung khülang nangde nünü lümrhihde api kümdochoh.

MUNGSHIKHÜN 60:12

Thrünpuh lung isanü müzhakde arhimobah; apinü isa riribo kukbah.

MUNGSHIKHÜN 68:3

Tüshe thiyuro-lungkirü asühshang; arübo Thrünpuh miki hodakde asühachihshang.

MUNGSHIKHÜN 89:13

Nü bin amürang lah; amüküp ju nü khah, tüsho achang ju nü khah tsülim ah.

MUNGSHIKHÜN 98:1

O, Atungpuh ki khün aso khülang thsang, tümüde apinü amüyinsahbebo rhimo! Api khah tsülim tüsho api amüsüh binnü akuk ngüdo.

ABEKHIT 15:6

O Atungpuh , wu ching müretahkhi nü khah tsülimnü, O Atungpuh , nü khah tsülimnü thiriri adütre kamde yihthünak.

ISAIA 65:13

Jumonü Atungpuh Thrünpuhnü thachoh: I yamlarübo atsühbah, tüshe nüsa akhümbah; I yamlarübo ayungbah, tüshe nüsa kethüribah; I yamlarübo asühachihbah, tüshe nüsa achih ngüshihbah;

LUKNÜ ATHRÜTKHI THIYUSHEAK-ATSÜ HUHTANYU 1:51

Apinü anihbuh binnü sühmüh huhdo; apinü arü mulong ching lülüshishide alümkhi hiumüzütshih.

YUNIRÜBO RHIMO 16:34

Jushu apinü ane ju api yam ching bede wutu, tüsho ane miki tsühyungbe zojih; tüsho apinü Thrünpuh kheak kinkhi dünkheak api yamkhün alala bede asühachih.

YUZÜNGTHALO 12:12

Tüsho A TUN GPU H nüsa Thrünpuh miki nüsa tüsho nüsa tsührübo le tsührübebo, nüsa yamlarü athrürü le aliberübo, tüsho nüsa kiutobo ching lakhi Levirü bebah asühachihang, tümüde Levirü a nüsa lung nihbuh shihcham yungsho yamrüplurüp müla.

AMIKHEAKAKHIUKKHI 18:20

Anihbe kurungkheak asühachihang, O yinmi, O amüsührübo, amüsüh-thsangyurübo tüsho wukihrübo, tümüde Thrünpuhnü nüsa dünkheak anihbe azhihde mahkhapdo!