MUNGSHIKHÜN 118:12 - AMÜSÜH HÜM CL Bible (BSI)

¹² Mukhubo nangde arünü I zündoa lah; arübo ayangrung aniukhi nangde aniuabah; tümüde Atungpuh mung chingnü inü arü thsümünim.

MUNGSHIKHÜN 118:12 Iomraidhean Croise

2 SAMUEL 23:6

Tüshe amütsü mihtsürübo a ayangbo nangde bahchoh; tümüde arübo ju khahnü thrüa mulukhuk;

MUNGSHIKHÜN 20:1

Küpkhuk nimung ching Atungpuhnü nü ki aloshang; Jakob Thrünpuh mungnü nü tsungdoshang!

MUNGSHIKHÜN 20:5

Nü khümkhitkhi ching isanü asühachihbah, tüsho isa Thrünpuh mung ching isanü isa riphin khimbah! Atungpuhnü nünü amushukhi alala akuk ngüshang.

MUNGSHIKHÜN 58:9

Arünü mümükheahyide rimbo nangde rhipa bahbah; Thrünpuhnü api bukakhiukkhi ching arü rhangdung lachoki yünde atsobah.

MUNGSHIKHÜN 8:9

O Atungpuh , isa Tungpuh, alomi alala ching küdükhüh nü mung thudakkhi la!

T H S AN GYU T H S AN GR ARÜ 7:6

Tümüde mo ching ayang threakthreakkhi nangde, makharü keangrümünekhi ju ruk ah; ha she akeangkeang.

ISAIA 27:4

I bukakhiukkhi müla. Hanü ayangbo tüsho khingphu I kilim jihsho, inü ha azhihde keochihpü tsahmusubah. Inü takabahbah.

ISAIA 33:12

Tüsho mihtsürübo ju lungmüye takkhi nangde, ayang kiushakbah mo ching takkhi nangde alabah.

NAHUM 1:10

Arübo ayangbo nangde thrukrama lah, amüshangrü nangde arübo müshanga lah; arübo amukuh sünit nangde aniua lah.

YUZÜNGTHALO 1:44

Tüsho ju wung ching larü Amorrü nüsa azhihde akhiukbahle mukhunü ayankhi ruk nüsa yande müsham, tüsho nüsa Seir chingnü Horma lim yanloa arüshih.

1 SAMUEL 17:45

Tüshe Davidnü Goliath ki tha, “Nünü nukshang, thsüh tüsho thsühshang shuhbah I kilim arang; tüshe I a nünü mükhemükimkhi Israel bonungrü Thrünpuh Wuto Atungpuh mung chingnü arübah.