MUNGSHIKHÜN 115:4 - AMÜSÜH HÜM CL Bible (BSI)

⁴ Arü sangthsübo ju shotoyinchi tüsho suna, mihtsürü khah rhimo ah.

MUNGSHIKHÜN 115:4 Iomraidhean Croise

1 KIULONG THSÜRÜ 18:26

Jumonü arü kilim jihkhi moshipung arünü lubah thsakham, tüsho yapsunü animuro khiungde Baal mung jide zhi, “O Baal, isa ki alojang!” Tüshe düsheak tümü müla tüsho malojih. Arünü athsükhi kingaün sadam mükamde arünü tsün.

1 KIULONG THSÜRÜ 18:29

Animuro hobah, arelim taka kingaünpü khiungde arünü mutuklode kolahkochide dapdapruru. Tüshe düsheak müla, tümü she malojih.

2 KIULONG THSÜRÜ 19:18

tüsho arü thrünpuhbo mihtsürü khahnü athsükhi sang tüsho lung mo ching takabahjih tüsho junangde arübo thsümünim.

2 KIUTHSÜYUKHEAN 32:19

Arünü Jirusalem Thrünpuh dünkheak mihtsürü khahnü athsükhi lomi mihtsürü thrünpuhbo nangde asuk.

MUNGSHIKHÜN 97:7

Sherünü mejak tankihcho, sherünü sangthsü dünkheak kükheangchonü alala achih ngüshang. Api kingaünang, nüsa thrünpuhbo alala.

ISAIA 37:19

tüsho arü thrünpuhbo mo ching takdo, arübo ju thrünpuhbo yunga lalashe mihtsürü khahnü athsükhi–sang tüsho lung–junangde arübo thsümünimdo.

ISAIA 42:17

Arübo arholobah tüsho abümnü achih ngübah– sherünü azünkhi sangthsübo kheak kincho, sherünü anungkhi sangthsübo ki thacho, “ Nü isa thrünpuh.”

ISAIA 44:10

Shepünü nihbuh alü mülakhi thrünpuh yungsho sangthsü thsücho?

ISAIA 44:20

Apinü awahbo tsühchoh; rükaki lümkhinü api bephülapdo, tüsho apinü anihbuh mükhümkhitkhuk yungsho müthakhuk, “ I khah tsülim ching lakhi kukruk ha arükchih yung de?”

ISAIA 44:9

Sangthsü thsürü alala tümü müla, tüsho arü asühkhi kukrukbo alü müla; arü thiyumütsanbo müngü yungsho mümükheah. Jumonü arübo achih ngüshihbah.

DANIEL 3:5

Nüsanü shihjuh, khungpi, hulipungpung, bingkhung, bingshang, huhpungbo tüsho khün mungji alala düsheak sosho khukningbeah tüsho kiulongthsüpuh Nebukednezarnü thsüa zhipshihkhi mejak kingaünang.

DANIEL 5:23

Nünü yinmi Thrünpuh azhihde nihbuh zangrü shuhkihdo! Api arüngyam pungphurubo nü miki lude azah, tüsho nü putungrübo, nü niubebo tüsho nü hanniubebonü jurü chingnü yukhu yung. Nünü shotoyinchi tüsho suna, müwayinchi, yinchi, sang, tüsho lung thrünpuhbo, küpünü müngü yungsho muso yungsho mümükheahnü ju shijih; tüshe Thrünpuh shepü khah ching nü rhangdung la, tüsho shepü kilim nü limro alala lanü, nünü wüntre müjih.

HOSEA 8:6

Tümüde ha Israel chingnü, rhimorü khülangnü thsü; ha Thrünpuh yung. Samariarü moshi nunu ju adütre kamde ayihthünakbah.

YUNIRÜBO RHIMO 19:26

Tüsho Efisia ching lang yungde Asia alala ching Paulnü, khahbonü athsükhi thrünpuhbo a thrünpuhbo yung de thade mihtsürü ahihkhüh münityukde atsokhi nüsanü ngülah tüsho sochoh.

YUNIRÜBO RHIMO 19:35

Küyimki kiuto mütsanmükühbuhnü boto danlokhea, apinü tha, “Efisia mihtsürübo, Efisia kiuto ching ato Artema lakhi tüsho thüning chingnü akikhi anihbe mejak lakhi shenü mümükheahkhi la?

YUZÜNGTHALO 4:28

Tüshe ju ching mihtsürü khahnü athsükhi, sang le lung, müngükhi yungsho musokhi, yungsho mütsühkhi yungsho mümünimkhi thrünpuhbo nüsanü tankihbah.