MUNGSHIKHÜN 115:14 - AMÜSÜH HÜM CL Bible (BSI)

¹⁴ Atungpuhnü nüsa le nüsa tsührü kilim alü wüh bushang.

MUNGSHIKHÜN 115:14 Iomraidhean Croise

THRÜNTAN 13:16

Tüsho inü nü tsühsoniusobo asungthulung nangde akamshihbah; junangde khürünü asungthulung khekhuksho nü tsühsoniusobo she akhekhukbah.

THRÜNTAN 17:7

Tüsho nü le nü dunglim nü tsühsoniusobo Thrünpuh thsüpü, inü I le nü tüsho nü dunglim nü tsühsoniuso lünbo dükeak akheam müla tangzüng zobah.

2 SAMUEL 24:3

Tüshe Joabnü kiulongthsüpuh ki alo, “I tungpuh kiulongthsüpuh müknü angükhukpü thsüde mihtsürü wühkhe ju Atungpuhnü chinü alü kamshang! Tüshe I tungpuh kiulongthsüpuhnü tümüde ha rhimoshihnela?”

ISAIA 27:6

Arübe nimung ching Jakobnü aying chinbah, Israelnü adübit chinde abün pungbah tüsho alomiküp athrünkhi sangasonü amibah.

ISAIA 56:8

Atungpuh Thrünpuhnü ha thachoh, shepünü yankhita lakhi Israelrü bemukhungcho, inü bemukhunga larü lung püpürü bedarübah.

JEREMIA 30:19

Jurü chingnü makshe jihkhi arübah tüsho asühachihrü düsheak sobah. Inü arübo hihde akamshihbah tüsho arü nükde müla; inü arü müretahde kamshihbah tüsho arü khenoa müla.

JEREMIA 33:22

Thüning ching chiningbo mükhekhamkhi nangde tüsho keto loyi madünkhukkhi nangde, inü I yamlarü David tsührü, tüsho I tankihrü Levirü bushihbah.

HOSEA 1:10

Tütüshe Israel mihtsürü khekhi ju madünkhuk yungsho mükhekhukkhi keto loyi nangde alabah; tüsho arü ki, “ Nüsa I mihtsürü yung,” de athakhi müthri arü ki thabah, “Arhang Thrünpuh tsührü.”

ZEKARIA 10:8

Inü arü jibah tüsho arübo mukhungbah, tümüde inü arü rhokhitdo tüsho akhuhlim nangde arü hihde akambah.

YUNIRÜBO RHIMO 2:39

Tümüde alokhikhi ju nüsa le nüsa tsührübo tüsho limshu ching larü, Atungpuh isa Thrünpuhnü ajirü aban kilim lah.”

YUNIRÜBO RHIMO 3:25

Nüsa ju wukihrübo tüsho Thrünpuhnü isa jipürü Abraham ki, ‘Nü müjih ching alomi yamkhün alala müngühmühibah,’ de tangzüngkhi tsührübo ah.

YUZÜNGTHALO 1:11

Atungpuh nüsa bebuhrü Thrünpuhnü nüsa kheakü lakhi kheaknü chithürü ki alü apinü tangzüngkhi nangde nüsa müngühshang!

AMIKHEAKAKHIUKKHI 7:4

Judüki Israel trük alala chingnü 144,000 mütsanyümkhi düsheak inü so.

AMIKHEAKAKHIUKKHI 7:9

Ha dunglim inü kheah, tüsho mihtsürü shenü akhepü mukukkhi, trükshih aban, trük alala, mihtsürü tüsho thiyutha aban chingnü, shulünkhimbo amüye yihbah, arü khahbo ching ashisang düchibo shuhbah kiulongthsü-binkiu miki zhipde alakheah,