MUNGSHIKHÜN 115:13 - AMÜSÜH HÜM CL Bible (BSI)

¹³ Apinü Atungpuh trerü, anini tüsho ato chido müngühjihbah.

MUNGSHIKHÜN 115:13 Iomraidhean Croise

MUNGSHIKHÜN 112:1

Atungpuh shiang! Mihtsürü shepünü Atungpuh trecho, shepünü api yukhümbo ching tode asühchonü müngühmühi.

MUNGSHIKHÜN 128:1

Shepünü Atungpuh trecho, shepünü api limrobo ching tsahchonü müngühmühi.

MUNGSHIKHÜN 29:11

Atungpuhnü api mihtsürü kilim sühmüh jihchoh; Atungpuhnü api mihtsürü mungtsü müngühmühi jihchoh.

T H S AN GYU T H S AN GR ARÜ 8:12

Aneakrünü amütsü-rhimo chi khülang ki rhimomo she tüsho arü rhangdung shangde lalashe, sherünü Thrünpuh trechonü tsüde alabah de inü mükheahlah, tümütüsho arünü api ki trede zhipchoh,

MALAKI 4:2

Tüshe nüsa I mung wüntrerü thsungkheaknü thiyuro-lungki ani ju aghidükeangbo kheak athsüngu kihde akhiukbah. Nüsa moshi nunu ayam chingnü jukde ayükhi nangde jukde ayübah.

LUKNÜ ATHRÜTKHI THIYUSHEAK-ATSÜ HUHTANYU 1:50

Tüsho api amüthsüm lün chingnü lün api trerü kheak lah.

YUNIRÜBO RHIMO 13:26

“Keoniorübo, Abraham yamkhün tsührübo, tüsho nüsa bolung Thrünpuh trerübo, ha akhümkhit yu isa kilim arüshihdo.

YUNIRÜBO RHIMO 26:22

Khihni khiungde Thrünpuh kilimnü arükhi arung lah, junangde püpü thsungkheak müthade wukihrübo tüsho Mosanü athakhi dünjipü lakhi anini tüsho ato chido ki inü thiyumütsan thsüde zhiplah:

KOLOSI 3:11

Ha ching Greek tüsho Jehudarü, tsütabahkhi tüsho tsütamübahkhi, yakzan mülakhi mihtsürü, yakli mümükheahrü, azhorü tüsho zuzu de müla, tüshe Khrista ju alala, tüsho alala ching lah.

AMIKHEAKAKHIUKKHI 11:18

Trükshihbonü bukakhiuk tüsho nü mulong zhipzhip, asherü mahkhappü kim arü, tüsho nü tankihrübo, wukihrübo tüsho amüsührü, nü mung trerü, anini tüsho ato chido thsambah jihpü, tüsho alomi thsümünimrü dükheakshihpü lah.”

AMIKHEAKAKHIUKKHI 19:5

Tüsho kiulongthsü-binkiu chingnü düsheak zhide arü, “Nüsa api tankihrübo, api trerü, anini tüsho ato alalanü isa Thrünpuh shiang.”

AMIKHEAKAKHIUKKHI 20:12

Tüsho inü asherü, ato tüsho anini, kiulongthsü-binkiu miki zhipde ngü, tüsho hümbo khimshuh-a lakheah. Hüm püpü, rhangdung hüm she khimshuh-a lakheah. Tüsho arünü arhimokhi yande hüm ching thrüta lakhinü asherübo mahkhap.