MUNGSHIKHÜN 113:5 - AMÜSÜH HÜM CL Bible (BSI)

⁵ Shepü ju achang kheak lakhi Atungpuh isa Thrünpuh nangde la,

MUNGSHIKHÜN 113:5 Iomraidhean Croise

MUNGSHIKHÜN 103:19

Atungpuhnü api kiulongthsü-binkiu yinmi ching thsüa zolah, tüsho api kiulongthsünü alala kurungkheak yakzan shuhchoh.

MUNGSHIKHÜN 11:4

Atungpuh ju api amüsüh arüngyam ching lah, Atungpuh kiulongthsü-binkiu yinmi ching lah; apinü lüpdükhi ching mihtsürübo kheahchoh; tüsho arü tümü rhimochonü mükheahlah.

MUNGSHIKHÜN 35:10

I mulong athrünkhinü athabah, “O Atungpuh , nü nangde she la? Nünü sühmüh larü kheaknü ayiuhyiuhrü, tüsho junorü kheaknü zhochihrü bekhitchoh.”

MUNGSHIKHÜN 89:6

Tümüde yinmibo ching shepünü Atungpuh kheak akekhukba? Wuto tsührübo lung shepü Atungpuh nangde la?

MUNGSHIKHÜN 89:7

Thrünpuh ju amüsührü mukhungkhi ching tode atrepü lah, tüsho api mükamde alarü alalanü wüntre jihpü lah.

MUNGSHIKHÜN 89:8

O Atungpuh Wuto Thrünpuh, O Atungpuh , nü nangde she wuto la? Nü thiyuro lakhinü nü mükamdolah.

MUNGSHIKHÜN 89:9

Nünü keto ato kurung yakzan shuhchoh; küyimki abükde akihbanü, nünü keamloshihchoh.

ABEKHIT 15:11

“O Atungpuh , thrünpuhbo lung nü ruk she la? Amüsüh ching wüntre-müretah, mungshi ching atrebe, khinthiyinbe rhimokhi ching nü ruk she la?

ISAIA 16:5

judüki kiulongthsübinkiu khülang mihmuzho ching David khimyam ching thsakhambah, tüsho ju kheak athülünkhi yakzanshuhrü khülang thiyuro lungki yimrü tüsho alungki rhimopü niokheamrü binbah.

ISAIA 40:18

Nünü Thrünpuh ju shepü kheak akeba? Tümü sangthsünü api akeba?

ISAIA 40:25

Dale nünü I she kheak akeakheahba, yungsho I thülünkhi she a? Amüsühbuh Khülangnü thachoh.

ISAIA 57:15

Tümüde Khide Achangbuhnü ha thachoh, shepü akheam mülade la, shepü mung Amüsüh la: mulong müthrirü tüsho me ching azhihayihrü lung, me ching azhihayihrü müthriloshihpü, tüsho mulong müthrirü müthriloshihpü I achang tüsho amüsüh dangpung ching lah.

JEREMIA 10:6

Nü nangde she müla, O Atungpuh ; nü ato ah, tüsho wu-sühmüh ching nü mung tolah.

YUZÜNGTHALO 33:26

“O Jeshurun, Thrünpuh nangde sheshe müla, shepünü nüsa rungpü achang yinmi hode, tüsho api kiulongthsü thüning hode arücho.